ميار الببلاوي تروي حكاية الجواب الذي منعها من الإدلاء بشهادتها في قضية وفاء مكي

الإعلامية ميار الببلاوي

كشفت الإعلامية ميار الببلاوي عن جواب التهديد الذي منعها من توضيح حقيقة تعدي الفنان وفاء مكي على الخادمتين بعد 23 سنة من حدوث الواقعة.

ميار الببلاوي وجواب التهديد

وأتي نص جواب تهديد ميار الببلاوي على النحو الأتي: “لو عايزة ابنك يدبح اشهدي مع وفاء مكي”.

جواب تهديد ميار الببلاوي

تطورات جديدة في قضية تعذيب وفاء مكي لخادميها

وعادت قضية تعذيب وفاء مكي لخادميها إلى النور مرة اخرى وذلك بعدما خرجت وفاء مكي لتستغيث بـ ميار الببلاوي لتكشف الحقيقة للجمهور، فخرجت ميار الببلاوي عن صمتها وأشارت إلى أن وفاء مكي بريئة من تعذيب الخادمتين وأنها رأتهم بعينها متعافين إلا فقط حلاقة شعرهم وعند سؤالها عن السببت أجابو بأن الفتاة تعاني من مرض “القراع الانجليزي”، مؤكدة أن والد الفتاة كان يضع لها منوم لحرقها بعدما أتى له رجل أعمال يكره وفاء مكي ليخبرهم باتهامها في تلك القضية بمقابل مادي.

وفاء مكي تتحدث عن تعذيب خادميها

وسبق وتحديث وفاء مكي عن الأمر خلال لقائها مع موقع تحيا مصر، فقالت: “الخادمتين كان عندهم مرض جلدي وكانوا قرع وأكيد مكنتش هسيبهم لحد ما أقرع انا كمان وأعدى الوسط الفني كله أنا كنت ست فنانة وأما طردهم راحوا لـ ميار الببلاوي، بعد ما طردهم الخادمتين كانوا عايزين يبتزونوا وياخدوا كل ما أملك وكل حجاتي وباباهم بيستغل مرضهم عشان يبتز الناس”.

وتابعت خلال حديثها، موجهة رسالة للجمهور قالت فيها: تاني مرة يجماعة متتهموش حد وتظلموه إلا أما تتأكدوا لأن الظلم وحش، وخاصة رواد السوشيال ميديا، اتقوا الله.. أما نزلت الاستغاثة عشان مش لاقية شغل كانوا بيشتموا فيا.. اتفضلوا دليل براءتي طلع بعد 23 سنة.. ضميركم فين اللي شتم وسب فيا هيروح من ربنا فين.. عشان يعمل نسبة مشاهدة

وقالت ميار الببلاوي في تصريحات لبرنامج صبايا الشمس مع الإعلامية ريهام سعيد: “الموضوع تم فتحه حاليا وانا متكلمتش فيه وأنا مريضة قلب ومفيش مرة دخلت عملت عملية وبقيت قبلها أدعي ربنا يمد في عمري لحد مقول كلمة الحق”.

وأضافت: “أنا كنت عاوزة أقول حاجة بس مش عارفة الطريق وجوايا صراع أن كلامي دا هيعمل حاجة ولا لا بقالي 23 سنى تعبانة وبقول يا ترى لو كنت قولت شهادتي كان هيتاخد بكلامي”.

وروت تفاصيل الحكاية قائلا: “لما اتجوزت مكنتش شاطرة ومش بعرف أعمل حاجة في البيت وجوزي كان عاوز يجبلي ناس تساعدني كان معايا بنت بتساعدني مدة طويلة واتجوزت ومشيت وبوابة العمارة قالتلي في واحدة تحت معاها بنتين عاوزين يشتغلوا”.

وتابعت القصة قائلة: “بنت منهم هرشت في شعرها ولقيت شعرها أقرع وقولتلها ايه دا قالتلي دول اللي كانوا عند الأستاذة وفاء مكي والبنت عندها قراع ووفاء حلقتلها شعرها ورفضت أن تعملا البنتين معي ولكنهما كانتا بصحة جيدة لكون بدون شعر وخفت منها أن تعدي ابني”.

وواصلت: “شهادتي اللي بقولها إن البنات جم من عند وفاء مكي مكانوش محروقين ولكن حالقين شعرهم والست مشيت وخدت البنات وتفاجأت بكلام الجرائد بتعذيب البنات ولما شفت صورهم قولت ادة دول اللي الست كانت جيباهملي وكلمت صحفي معروف وكان صديق عزيز ليا انا ووفاء وقولته الموضوع دا غلط ووفاء معملتهمش حاجة وهما جم من عند وفاء مكي لعندي ثم راحوا البلد والمصور قالي فيه شخصية عاوزة تأذي وفاء وكلامك مش هيودي وهيأخر”.

واختتمت: “كل الكلام دا كان من 23 سنة وربنا مد في عمري عشان اقول كدا والحمد الله اني قولت والموضوع دا كان تاعبني”.

وقالت هند عاكف: ميار كلمتني نفسيتها منهارة وعايزة تخلص ضميرها وبتقولي أنها معاها جواب هو دليل براءة وفاء مكي.

دعمت الفنانة هند عاكف زميلتها الفنانة وفاء مكي في أزمتها التي كشفت عنها خلال الساعات الماضية، ومعاناتها بسبب عدم الاستعانة بها في أي أعمال فنية، مما جعلها تعاني من الديون وضيق الحال.

وكتبت هند عاكف، عبر حسابها الشخصي على «فيس بوك»: «دي قضية جيل بالكامل، أحب أضم صوتي لصوتك يا وفاء، أدعم الفنانة وفاء مكي وأدعم كل زملائي وجيلي اللي أتظلم وقاعد في البيت، حرام وعيب اللي بيحصل ده، هو لازم نطلع نتكلم ونشتكي ونشرح ظروفنا وأسرار بيوتنا على السوشيال ميديا عشان نشتغل؟».