سقوط شيرين عبد الوهاب
علقت الفنانة شهيرة ؛ على واقعة سقوط شيرين عبد الوهاب من على المسرح .
وكتبت شهيرة عبر صفحتها على فيس بوك :” شوفوا بقي انا عمري ماتكلمت في اي وقت عن أزمه شيرين لأنها حاجه شخصيه وندعيلها وخلاص ربنا يخرجها منها علي خير لكن أضطريت اتحشر لأن اللي بيحصل ده كتير كلنا عارفين ازمتها والست بتحاول وتجاهد ان تخرج منها بأنها بتسترد نفسها وفنها وتاريخها الجميل اللي طالما أسعدتنا بيه”.
تابعت :” فلا نقسو عليها ولا نكسرها لمجرد أنها وقعت علي المسرح زيها زي كتير ونجيب القديم والجديد ايه يعني ؟ بنتلكك ولا أيه شرين في النهايه أنسانه تخطأ وتصيب وشرين زي مانتوا عارفين ،من المطربات السوبر اللي يتعدوا علي أصابع اليد الواحده “.
اختتمت :” ولا نريد أن نخسرها هي تحتاج لجمهورها اللي بيحبها لا تحبوطها هي تريد المسانده وبتقولكم انا رجعت أهو لحضنكم فلنمد لها يد الحب والعطاء فقد أعطتنا سنين طوال أمتعتنا فيها بفنها فلا نبخل عليها بيد الأحتواء والمسانده علي فكره عمري ماتقابلت أنا وشرين شخصيا ولكنها مشاعر “.
سقوط شيرين
وكانت شيرين قد سقطت على المسرح اثناء حفلها في دبي والتي احييته بعد فترة من الغياب
ومن جهة أخرى، سبق وأن تحدثت الفنانة شهيرة عن فترة ابتعادها عن الوسط الفني، مؤكدة أنها تجد صعوبة في الوقت الحالي للعودة في الفن خاصة بعد وفاة زوجها الفنان محمود ياسين.
وقالت شهيرة في تصريحات تلفزيونية: ابتعادي عن الفن كان مفاجأة لجوزي ولنفسي، مكنش ليا مزاج، أنا بحب مهنتي وبعتز بيها، ولكني أصبحت مزاجية ومش أي وقت أقدر أرجع ولا أحب أعمل مقابلات تلفزيونية، لأن هيبقى في عندي تحفظات على حاجات كتير وزمان غير دلوقتي، وبالرغم من كل أصحابي وجمهوري ولكن مش سهلة إني ألاقي موضوع مناسب أرجع بيه.
وأضافت شهيرة: كنت دايمًا متهيألي أن الفن واخدني من التقرب من ربنا وحسيت إني مش عاملة الواجب اللي يرضي ربنا، وأنا مش ندمانة على ابتعادي عن الفن وحسيت إن ده اللي ربنا اختاره ليا.
