كتبت: ياسمين ياسر
علق الفنان المصري مصطفى كامل، نقيب المهن الموسيقية، على الأزمة التي تعيشها الفنانة المصرية شيرين عبد الوهاب خلال الفترة الحالية، مشيرا إلى أنه مستعد لدعمها بالكامل في هذه المنحة.
وخلال مداخلة هاتفية مع الإعلامي عمرو أديب، مقدم برنامج الحكاية المذاع على قناة mbc مصر، قال مصطفى كامل :”نصر محروس كلمني وقالي لازم نقف واقفة جامدة جمب شيرين وأنا بعلنها قدام كله إني بتقدم بكل الدعم لـ شيرين وبندعي ليها كلنا”.
وتابع حديثه، قائلا: “امبارح كلمني احمد سعد وقالي اننا أروح ع النقابة ونروح كلنا النهاردة ليها ونخرجها عن حالتها النفسية واستنيت ان أحمد يجيلي بس مجاش، وبكرة إن شاءالله نقرر أنا وأكبر عدد من الفنانين إننا نروح ونلتف حوالين بعض ونقف جنب جوهرة فنية مش هنلاقيها كتير وأنا تحت أمر شيرين في كل حاجة وبدعلها وبدعلي لأولدها”.
ومن جانبه، قال المنتج نصر محروس، إنه يتابع الأمر مع شقيق شيرين، مضيفًا: «إحنا جنبها، مش هنسيب شيرين، مش هنسيب شلل تنهش فيها، شيرين بنت كل بيت في مصر».
واستطرد: «هناك شلة حوالين شيرين هي اللي وصلتها لكده، والأهم عندي إن شيرين تفوق من كل ده وترجع تغني تاني وتفرحنا، وهنوقف جنبها في علاجها مش هنسيبها، إن شاء الله سيكون في أخبار كويسة عن شيرين في أقرب وقت»
