الفنان محمد رمضان
كشف الفنان محمد رمضان عن موقفه من تعدد الزوجات، خاصة بعد ظهوره في مسلسل جعفر العمدة الذي عُرض ضمن سباق مسلسلات رمضان 2023، متزوجًا من 4 سيدات.
محمد رمضان: معنديش الفراغ العاطفي ولا الوقت اللي يخليني اتجوز تاني
وقال محمد رمضان خلال ضيافته في برنامج “صاحبة السعادة”، الذي تقدمه الإعلامية إسعاد يونس على شاشة قنوات dmc: “مقدرش اتجوز 4 زوجتي مالية حياتي وقلبي ومعنديش الفراغ العاطفي ولا الوقتي اللي يخليني اعمل كدة هو اليوم يدوبك متقسم على واحدة”.
وعن حب الفتيات لـ شخصية جعفر العمدة، قال محمد رمضان: “لأنه متحضر مع المرأة مخلص مخانش الأربعة ممكن تكون حابة التحدي اللي هو لو أنا كنت أنا اللي خدته”.
محمد رمضان عن جعفر العمدة: مش بيمد ايده على ستات وعنده انتماء
وتحدث محمد رمضان عن شخصية جعفر العمدة، فقال: “جعفر راجل شعبي معاه فلوس لكن عنده أصل وعنده انتماء لمنطقته ومتحضر جدا مع المرأة مشفنهوش بيتكلم مع ست بطريقة وحشة أو مد ايه، تركيبة لازم تتحب، راجل عنده نفوذ قدام امه كان طفل صغير، طول الوقت كان حريص على مشاعره قدام أخوه الكبير اللي اتسببله في مشاكل كتير، راجل بيحكم بالمعروف بس سهرته وسعادته عند ست مبتذلة”.
محمد رمضان في فيلم هارلي
جدير بالذكر، أنه يعرض لـ محمد رمضان خلال الفترة الحالية فيلم هارلي في السينمات المصرية، والذي حقق في أول يوم عرض له في السينمات المصرية 5 مليون مشاهدة، متصدرا شباك التذاكر ومتفوقًا على عدد من الأعمال الأخرى، والتي منها فيلم “يوم 13” لـ أحمد داود، وفيلم ساعة إجابة، وفيلم مغامرات كوكي وغيرها من الأعمال.
وتدور أحداث الفيلم حول “هارلي”، مهندس الميكانيكا الذي يعود من الخليج مع عائلته لاستكمال دراسته بمصر، ويقوده ذكاؤه وسرعته إلى العمل مع إحدى العصابات، ويصبح العنصر الأبرز والأقرب إلى زعيم العصابة، وهو من تأليف أحمد عبدالقادر، ومن إخراج محمد سمير، وبطولة محمد رمضان ومي عمر ومحمود حميدة وتدور أحداثه في إطار من الأكشن والرومانسية.
وقال محمد سامي خلال تصريحات تليفزيونية: هالة صدقي أستاذتي الموهوبة الخلوقة اللي كانت لمانا كلنا في حضنها، وهي العمود الفقري للمسلسل، كان معانا خبرة وأخلاق وذوق، وبشكرها إنها يوم ما قولتلها تعمل دور أم لناس كبيرة سنا وافقت وقالت أنا ممثلة.
وتابع: هي ست جميلة وخفيفة الظل ويا بختي إن يتحط في تاريخي إني اشتغلت معاها، ومن حق الممثلين أصحاب القدرات دي إنهم يتعاملوا مع ناس تقدر تطلع القدرات دي منهم.
وأضاف: أنصاف الفنانين اللي بييجي من وراهم مشاكل، بيبقى عايز طول الوقت يقول أنا نجم، فمش بيفكر في الشغل نفسه، ونجم زي محمد رمضان وأحمد السقا دول ناس تعلم جيدا إنهم نجوم وناجحين، فبيركزوا في شغلهم.
واستكمل : والنجوم دول أول ناس بتيجي في ميعادها، وأكتر ناس مذاكرين وعندهم حرص على نجاح المشروع، زي الفنانين عادل إمام، والراحل محمود عبد العزيز، وأحمد عز، فالمشاكل بتيجي من الناس اللي بتبقى فاكرة إنهم نجوم وبيحاول يثبت ده برغم إن دوره مش هيأثر على بيع العمل بدولار واحد حتى.
