محمد سامي:خلافاتي في اللوكيشن بتكون مع أنصاف الفنانين.. وبتخانق معاهم مهما كانوا هما مين

المخرج محمد سامي

فجر المخرج محمد سامي عدد من التصريحات التليفزيونية حول سبب انفعاله على الفنانين الذين يعمل معهم.

تصريحات محمد سامي

وقال محمد سامي في تصريحات تليفزيونية: لما بتعصب على ممثل بيبقى يا إما هو بليد، أو مواعيده مش مظبوطة، أو مش بيذاكر ولا بيحفظ، وده طبعا بيعطل زمايله.

وتابع: هو كده هيفشل ويفشلنا معاه، ويبقى ممثل جاي متأخر ومش مركز ويسلب حقوقنا كلنا، ويتخانق معاه مهما كان مين ونجوميته قد إيه؛ لأن النجوم الحقيقيين أصلا محترمين، وعمري ما اشتغلت مع نجم كبير ومكنش محترم، دايما المشاكل بتيجي من أنصاف الفنانين.

سبب انفعال محمد سامي على الفنانين

وأضاف: أنصاف الفنانين اللي بييجي من وراهم مشاكل، بيبقى عايز طول الوقت يقول أنا نجم، فمش بيفكر في الشغل نفسه، ونجم زي محمد رمضان وأحمد السقا دول ناس تعلم جيدا إنهم نجوم وناجحين، فبيركزوا في شغلهم.

واستكمل : والنجوم دول أول ناس بتيجي في ميعادها، وأكتر ناس مذاكرين وعندهم حرص على نجاح المشروع، زي الفنانين عادل إمام، والراحل محمود عبد العزيز، وأحمد عز، فالمشاكل بتيجي من الناس اللي بتبقى فاكرة إنهم نجوم وبيحاول يثبت ده برغم إن دوره مش هيأثر على بيع العمل بدولار واحد حتى.

أشاد المخرج محمد سامى بالفنان أحمد فهيم الذى جسد دور سيد شقيق الفنان محمد رمضان في مسلسل جعفر العمدة وقال فى مداخلة ببرنامج ” رمضان كريم ” الذى يقدمه الكابتن خالد الغندور ودينا سليم على رديو أون سبورت إف إم : أنا مقتنع بأحمد فهيم منذ بداياته حيث شارك معى في بدور صغير في مسلسل آدم بطولة تامر حسنى ثم دور آخر في مسلسل الأسطورة ثم أسندت اليه دور كبير في مسلسل ” ولد الغلابة ” لأنى مقتنع به وفى مسلسل البرنس أسندت إليه دور بطولة وفى جعفر العمدة اسندت إليه دور سيد وأرى انه نقلة فنية له ونحن محظوظين به في هذا العمل وأن له مستقبل عظيم وفى وقت من الأوقات سيقدم أعمال من بطولته

ولقد شكك المخرج محمد سامى جمهور مسلسل جعفر العمدة فى نعيم والذي يلعب دوره عصام السقا، حيث ألمح لخيانته، معلقا: “يا خوفي من فرحتك دي ونظرة الحنين والحب”، وهو ما جعل الجمهور يفكر في أن الحلقات الجديدة من المسلسل قد تحمل مفاجآت.

وجاء تعليق المخرج محمد سامي على حساب عصام السقا على فيس بوك، على بوست للفنان عصام السقا عبّر من خلاله عن فرحته بالعثور على سيف ابن جعفر العمدة، حيث كتب على حسابه بموقع فيس بوك: “أخيرا لقينا الواد كنا هنكمل للسنة الجاية”.