السيناريست تامر حبيب
تحدث السيناريست تامر حبيب عن الاشاعات التي تلاحقه خلال الفترات الاخيرة، كما كشف سبب البوست الذي أثار الجدل أنه لا يصوم رمضان.
وقال تامر حبيب خلال استضافته في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس: طلعت إشاعة أن أنا ومنة شلبي متجوزين مينغعش عشان احنا اخوات مش أكتر بس هبقة فخور لو اتجوزت فنانة.
تامر حبيب: الزواج مؤسسة فاشلة
وكشف تامر حبيب عن رأيه في الزواج وسبب عدم زواجه حتى الأن وقال: الزواج مؤسسة إجتماعية فاشلة وعامل زي حادثة القطر.
وعن المساكنه قال تامر حبيب: موضوع المساكنة موجود في المجتمع ومش بحب دفن راس النعام ولازم نقف في وش المدفع، ومش بعمل حساب للكلام اللي على السوشيال ميديا وطظ في الناس
وكشف: لما أموت عايز اللي بيحبوني يعملوا حفلة على سيرتي ويشغلوا الأغاني اللي بحبها ويرقصوا ويغنوا وأنا هبقى مبسوط
كما تحدث عن دينا الشربيني وقال تامر حبيب: دينا الشربيني من أهم الممثلات اللي اشتغلت معاهم وموهبة فنية حلوة جدًا وكان بيتقال أن عمرو دياب بيساندها وبيزقها وهي السنادي نجحت بعيد عن أي واسطة.
كما تحدث حبيب عن سبب المنشور الخاص بيه أنه لا يصوم وقال: البوست بتاع إني مش بصوم بسبب الست الميسيحة اللي راحت تأكل في محل كشري في رمضان واطردت، ونزلت الشارع وولعت سيجارة عشان الست اللي راحت تعاطفًا مع الست.
وعن تصريحات تصريحات إيناس الدغيدي والشك في ميوله قال: إيناس الدغيدي بحبها جدًا واللي قالته إيناس حصل لعب في المونتاج وهي ست صريحة.
تامر حبيب: احنا في زمن انتهاء الصلاحية
وتابع: شكرا أن الموقف حصل عشان أشوف حب الناس، وأنا حر ما لا لم وكل واحد فيه اللي مكفيه وحر في نفسه، وخدت قرار إني أسكت وحسيت إني مش عايز أرد ، احنا في زمن انتهاء الصلاحية والناس بتعمل قطتهم جمل.
تامر حبيب: لما كنت شغال محاسب كنت هنتحر
وأضاف تامر حبيب: لما كنت شغال محاسب فكرت في الانتحار لأني مش بحب الشغلانة دي وكنت باخد دوا رجيم يجيب اكتئاب
وكشف تامر حبيب، خلال حواره ببرنامج “حبر سري”، مع الاعلامية اسما ابراهيم، على قناة القاهرة والناس، عن عدم رضاءه على تقديم مسلسل لعبة النسيان بسبب الظروف التي عاصرت المسلسل من أجواء جائحة كورونا، مضيفا: “لعبة نسيان مع دينا الشربيني كان في عز أيام الكورونا وتعرض لظروف كتير مش كويسة”.
واستكمل: “في حاجات كتير نظرا للظروف كان المفروض تتعمل في مسلسل لعبة النسيان ليخرج بشكل أفضل ولم تحدث بسبب أجواء الاغلاق في العالم والنتيجة النهائية لم أرضى عن هذا العمل”.
