الفنانة علا غانم
كشفت الفنانة علا غانم، عن تعرضها للابتزاز من طليقها بصور وفيديوهات، قائلة: «شخصيته الحقيقية ظهرت منذ 6 شهور، عشان اكتشف إني مصممة على الطلاق، وقالي هفلسك وهخليكي في الشارع مش لاقية تاكلي وهو يقدر يعمل ده».
وأضافت غانم، في حوارها مع الإعلامية بسمة وهبة، مقدمة برنامج «العرافة»، على قناة «النهار»، وقناة «المحور»: «عقد البيت باسمي ورغم كده طردني منه وضربني أنا وأمي، أمي اتضربت بالشوم، وكان بيرميني بالروب بتاعي، وكل ده بمساعدة أصدقائه وشلته وكان معاه 5 أو 6 سيدات عملت بلاغ واتعملي أمر تمكين، لكني مش هعيش مع واحد مش بحبه ورفضاه بقالي سنوات، أجرت له بيت في أمريكا عشان يعيش فيه».
كشفت الفنانة علا غانم تفاصيل لأول مرة عن حياتها الشخصية في أول ظهور لها بعد أزمتها الصحية وخلافها مع زوجها، مشيرة إلى أنها اكتشفت أن شبكة زواجها «إزاز»، بعد مرور شهرين فقط من الزواج.
وأضافت علا غانم في تصريحات تليفزيونية : «الـ11 سنة اللي عشتها مع جوزي ماكنوش نعيم من أول دقيقة. كنت عايشة جحيم وأكاذيب ابتدت بشبكتي الفالصو.. بعد شهرين اكتشفت إني لابسة شبكة إزاز، معملتش رد فعل عشان مفشلش لتالت مرة وكنت متصورة إنه يمكن يتغير».
وتابعت :«اتجوزته عشان كنت محتاجة في المرحلة اللي أنا فيها راجل جنبي، كان أكبر مني في السن بحوالي 16 سنة، حسيت إن هو هيكون احتواء ليا، سند، هيساعدني في اللي جاي.. بناتي بيكبروا.. بمثل وقتي مش فاضي».
واستطردت: «كان بيهددنى بمشاكل تنشر على السوشيال ميديا لو استمريت في طلب الخلع».
السبب وراء سفر علا غانم لأمريكا
وفي وقت سابق، كشفت الفنانة علا غانم عن السبب وراء سفرها إلى أمريكا طوال الفترة الماضية، وذلك خلال لقائها اليوم ببرنامج صبايا الشمس مع المذيعة ريهام سعيد.
حيث قالت علا غانم: مشيت عشان كنت محتاجة أقعد جمب بناتي أكتر.. ابتدوا يكبروا وحسيت خلاص أنهم على وش جواز، فقررت أخد إجازة مفتوحة من التمثيل وحياتي بالكامل وأروح بعيد خالص لمجتمع جديد عشان أبدأ صفحة جديدة.
وتابعت: بناتي كانوا عايشين في أمريكا فكان لازم أروح أنا ودا كان وعد مني ليهم قبل ما نتحرك سنة 2017، كنت وعداهم أن السنة اللي جاية هي أخر سنة عشان بنتي هتتخرج في شهر خمسة.
