المهرجانات حمو بيكا
كشف مطرب المهرجانات حمو بيكا، السحر الذي تعرض له من عمر كمال، قائلا: عمر كمال عملي سحر واتصاحبنا عشان ميعملش كده تاني.
وقال حمو بيكا في الجزء الثاني من حلقة برنامج العرافة والذي تقدمه الإعلامية بسمة وهبة: عمر كمال كان عملي سحر وصاحبته عشان ميعملش ليا حاجة تاني.
وأضاف حمو بيكا عن عمر كمال: ناشف في الفلوس وممكن يموت لو أدى فلوس لحد، وقالي هجيب ليك تكييف هدية ومجبش حاجة.
ومن جانب آخر، قال حمو بيكا عن قرار مصطفى كامل: مكنتش أعرف يعني إيه رقابة ولا مصنفات، وكنا محتاجين زي مصطفى كامل، ولما دلوقتي الأغنية بتجيب 200 ألف مشاهدة مش بزعل، ومصر كلها بتغني مش احنا بس.
وعن رأيه في الغناء بـ الكباريهات، أضاف بيكا: اه بغني في الكباريهات ولو مش هغني في كباريهات هغني فين؟! وده شغلنا واحنا مش بنعمل حاجة حرام، وربنا بيرزقني ولو ده شغل غلط مكنش حد طلع.
حمو بيكا: عمر كمال مبيعرفش يغني
كما تحدث حمو بيكا عن عمر كمال خلال اللقاء، وأكد أن الأخير لا يجيد فن الغناء، موضحًا: ورب اللي خلقني عمر كمال مابيعرفش يغني ويعني إي صوته حلو هي مش بالصوت، وأنا صوتي على قدي وليا جمهور كتير والناس كلها بتحبني.
كما أكد حمو بيكا أنه كان يوجه حسن شاكوش أمام الميكرفون، مضيفًا: كنت بوجه حسن شاكوش يقف قدام المايك لما ييجي يغني، وهو اللي جه يقولي عايز أغني معاك ومكنتش أعرفه، وأنا كنت عمرو دياب الغلابة وعندي الدليل.
واختتم: حسن شاكوش مكنش عنده استوديو وهو بيحط ممول عشان أغانيه تجيب مشاهدات.. أول أغنية عملتها لحسن شاكوش جابت 15 مليون مشاهدة.. وأنا اللي طلعته للنور ولما اتشهر والغرور خده مني بقى يعمل أغاني لوحده.
برنامج العرافة
جدير بالذكر أن برنامج العرافة لـ بسمة وهبة يعرض على شاشة قناة النهار، وهو من إخراج إيهاب أبو زيد، ومنتج فني والي ولي الدين، ويترأس التحرير شريف بديع، ويهتم بكشف أسرار الفنانين والمشاهير، إذ يعد من أشهر البرامج في مصر، ويعد استكمالًا لسلسة البرامج التي تقدمها بسمة وهبة في الشهر الكريم من كل عام، والتي تعتمد على كشف أدق تفاصيل النجوم وأسرارهم وإظهار الوجه الآخر في حياتهم.
