كريم فهمي: بعد انفصال والدي ووالدتي كنت بصرف على نفسي ولعبت سنتين في الأهلي و 9 بالزمالك

الفنان كريم فهمي

تحدث الفنان كريم فهمي عن انفصال والدته ووالده وتأثيره بالسلب على حياته، كما كشف إنه لعب كرة قدم لمدة عامين في النادي الأهلي و9 في الزمالك، وانضم لمنتخب مصر.

وقال كريم فهمي خلال استضافته في برنامج أنا والقناع والذي تقدمه الإعلامية منى عبد الوهاب ويعرض عبر قناة الحياة: أنا كنت بلعب سنتين كورة في الأهلي ولعبت 9 في الزمالك.

واستكمل كريم فهمي: وفي نفس الوقت كنت في مدرسة كويسة للغاية، وكان فيه اختلاف ثقافات بين مجتمع الكرة والمدرسة.

وتابع: والدي ووالدتي انفصلا وأنا في سن 14 أو 15 سنة، ومكنتش فاهم الحياة وفي السن دا بتتخيل نفسك فاهم وأنت مش فاهم أي حاجة.

كريم فهمي: انفصال والدى ووالدتى علمنى مواجهة الأزمات والاعتماد على النفس

وأضاف: ومن أول ما اتولدت لسن 15 أو 16 سنة كنت أنا وأخويا في مدارس من أحسن المدارس الموجودة في مصر، لكن بعد فترة الانفصال عشت لوحدي وأحمد أخويا عاش لوحده؛ لكن كنا قاعدين في نفس البيت وكل واحد كان بيصرف على نفسه، وشوفت فيها صعوبات كثيرة، واشتغلت في الثانوية العامة والجامعة، وكان فيه أيام صعبة.

واستكمل: السيناريو دا صعب للغاية، وأثر فيا وحدد شخصيتي ومع مرور الوقت أعطاني خبرة ومسؤولية، وأما اتحط في مواقف صعبة بقدر أفوق من مشاكلي وأعطاني خبرة في التمثيل والتأليف كبيرة جدا.

كريم فهمي: أبحث عن الاطمئنان لعائلتي بسبب قلقي عليهم

كما كشف كريم فهمي أنه دائمًا ما يحاول البحث عن الاطمئنان وقال:طوال الوقت أبحث عن الاطمئنان لعائلتي دائما لأنني دائما قلق عليهم.

وأضاف فهمي: مش بدور ليا لكن بدور ليهم، وأما بحب أخبي شعوري بخبيه وراء قناء الصمت، ومش بحب أحسس أي حد إني مضايق، لكن مراتي هي اللي بتبقى عارفه إن فيه مشكلة سواء في الشغل أو غيره، ومش بحب أحسسها لكن هي بتاخد بالها.

كريم فهمي: مفيش حد مثالي ولا معصوم من الخطأ

تابع: مراتي فهمت إني مش بحب أتكلم في المشكلات، سواء حاجة مش بسطاني أو مضايقاني، ومش بتحاول تفتح الموضوع مرة واحده.

وأكد: مفيش حد مثالي ولا حد معصوم غير الرسول عليه الصلاة والسلام، وممكن تحاول توصل لدا لكن مش هتوصله.