المهرجانات حمو بيكا
تحدث مؤدي المهرجانات حمو بيكا عن علاقته بالمطرب حسن شاكوش، وذلك خلال لقائه اليوم ببرنامج العرافة، مع الإعلامية بسمة وهبة.
خلاف حسن شاكوش وحمو بيكا
حيث قال بيكا: أكون غلبان أحسن ما أكون شراني، مفيش حد يعرف يسوقني، وأنا لما بعمل حاجة بعملها من دماغي، وحسن شاكوش مغرور ومتكبر.
وتابع: حسن شاكوش كداب، أنا المدرسة اللي طلعت حسن شاكوش، حد صاحبي كلمني وأنا مكنتش أعرفه فصاحبي قالي ساعده واقف جمبه، قولتله حاضر وكلمته، هو مكنش عنده استوديو، وهو مظهرش غير معايا، والناس معرفتوش غير معايا.
حمو بيكا: حسن شاكوش بيسهر ويسيب الشغل
وأضاف حمو بيكا: مفيش حد أحسن مني، والناس كلها عارفة مين اللي طلع حسن شاكوش، وأول أغنية عملتهاله جابت ١٥ مليون، حسن لما اتشهر والغرور أخده مني بقى بيشتغل لوحده، وأنا اللي قفلتله بنت الجيران وأنا اللي فتحتها عشان حصلت مشاكل، وجاب ناس تتوسط.
واستكمل: حسن بيحب السهر ومش بيحب الشغل وأنا مش بسهر، وهو مش مركز في شغله ووقع، وهو مش محبوب ولا مشهور أكتر مني، وروحتله الفرح عشان هو صاحبي ولازم اجامله، وبيقوله كله جاله مجاملة من غير فلوس، أمال هو دفع كل دا في ايه.
رسالة حمو بيكا لـ تامر حسني
وفي وقت سابق، حرص مطرب المهرجانات حمو بيكا على توجيه رسالة خاصة للنجم تامر حسني، بعد لقائها في حفل زفاف حسن شاكوش، وذلك خلال منشور عبر حسابه الشخصي على موقع التواصل الاجتماعي فيسبوك.
حيث نشر بيكا صورة له رفقة تامر، وعلق عليها قائلًا: صورة مع صديقي وحبيبي ونجمي المفضل تامر حسني.. تامر حسني بالنسبالي مش مجرد مغني عادي، تامر ده شخصية ملهمة لأي شاب في جيلي، تامر قدر يحقق ويكسر أرقام كتير أوي في الفترة اللي فاتت.
وتابع: لما سموه نجم الجيل مكنش صدفة لأنه هو فعلا بجد نجم الجيل، ونجمي المفضل في كل أعماله، سواء أغاني، ألحان، تمثيل، ألخ.. تامر حسني الشخصية المثالية لأي فنان وشاب في جيلنا في الوطن العربي كله.
برنامج العرافة
جدير بالذكر أن برنامج العرافة تقدمه الإعلامية بسمة وهبة، يعرض يوميًا عبر قناة القاهرة والناس، وتستضيف فيه نجوم الفن والمشاهير، وتكشف العديد من أسرارهم وخباياهم بحلقات البرنامج، مما يجلعهم يتصدرون ترند مواقع التواصل الاجتماعي.
ويهتم برنامج العرافة بكشف أسرار الفنانين والمشاهير، إذ يعد من أشهر البرامج في مصر، ويعد استكمالًا لسلسة البرامج التي تقدمها بسمة وهبة في الشهر الكريم من كل عام، والتي تعتمد على كشف أدق تفاصيل النجوم وأسرارهم وإظهار الوجه الآخر في حياتهم.
