سعد الصغير عن علاقته بالراقصة شمس: مينفعش أتجوز رقاصة.. وكل كلامها تمثيل عشان عايزة 1.5 مليون جنيه

الفنان سعد الصغير

علق الفنان سعد الصغير، على الجدل المُثار مؤخرًا بسبب حقيقة زواجه من الراقصة شمس، والتي سبق وتحدثت عن تفاصيل علاقتهما وأنه أجهض طفلتهما، على حد قولها.

وقال سعد الصغير، خلال حواره مع الإعلامية بسمة وهبة: أنا متجوزتش شمس، ولما قولت كده في برنامج دي كانت واحدة بتعيط وأخواتها ضربوها وقالتلي أطلع قول كده وقولت كده، وبعدين لو أنا أتجوزتها مش في محامي وورقة وشهود؟ هما فين؟، وأنا مينفعش أتجوز رقاصة وتطلع تثبت.

وعن مقطع الفيديو الذي انتشر لـ سعد الصغير وهو يُقبل قدم الراقصة شمس، فعلق قائلًا: أنا وقعت مع ناس متعرفش ربنا وكنت مضروب على إيدي، هو فيديو زي ده ينفع يطلع؟ دي مش بنت ناس.

سعد الصغير: شمس خدت 10 سنين سجن بعد ما خدت بنت من دار أيتام ومرجعتهاش

أما عن حقيقة إجهاضه طفلته من الراقصة شمس، فقال سعد الصغير: هو فين الدكتور؟ كل دا تمثيل علشان 1.5 مليون جنيه، ومين قال إن شمس كانت حامل؟ الموضوع أنها كانت متبنية بنت صغيرة وبتاخدها من ملجأ أيتام خميس وجمعة وسافرت ومرجعتهاش، ودار الأيتام رفعت قضية عليها وخدت 10 سنين سجن، وعشان كده هي هربانة.

وأضاف سعد الصغير بعد إعطاء بسمة وهبة أوراق تُثبت أخذه الراقصة شمس طفلة من دار للأيتام، والحكم عليها بالسجن 10 سنوات: في 4 ورقات أنا اديتهم لـ دكتورة بسمة وهبة تفحصهم لو طلعوا مش سُلام يبقى أنا اللي زورتهم وهترفع عليا قضية عشان كده هكون ظلمت شمس.

وسبق، انفعل سعد الصغير مؤخرًا في برنامج العرافة الذي تقدمه الإعلامية بسمة وهبة، وذلك بعد حديث شيخ العرافين عن زواجه الجديد وأولاده الثلاثة.

وبدأت الأزمة عندما وجه شيخ العرافين سؤال لـ سعد الصغير، قائلًا: جبت لبس العيد لـ 3 عيال الصغيرين، ليرد عليه سعد: 3 عيال إيه؟، ومن ثم انفعل سعد وخلع المايك من البرنامج قائًلا: أقسم بالله الموضوع ده لو اتعرف مش عايز البرنامج ولا عايز حاجة.

ويعد برنامج العرافة، امتدادًا لبرامج بسمة وهبة الرمضانية، والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.