روحت برنامج بفلوس زي محمد رمضان.. مصطفى كامل يعلق على مشاركته بمقلب رامز جلال

الفنان مصطفى كامل

كشف الفنان مصطفى كامل، تفاصيل مشاركته في مقلب الفنان رامز جلال، لهذا العام «رامز نيفر إند» المذاع عبر قناة mbc مصر الفضائية.

وقال مصطفى كامل، في تصريحات خاصة ، إنه لم يكن يعلم إنه مقلب، وأنه ذهب لافتتاح مطعم، ولكن تفاجئ بالمقلب بعدها.

وحول الجدل المثار حول مشاركته في المقلب قال مصطفى كامل: «أنا زي ما أنا نقيب موسيقيين فأنا فنان زي محمد رمضان ومحمد فؤاد.. واتعرض عليا حاجة وروحت».

وحول المقلب نفسه، أوضح مصطفى كامل، إنه أصيب بصدمة في يده وكتفه ووضعهما في جبيرة، بسبب المقلب، معلقا: «أنا لحد دلوقتي ايدي وجعاني من المقلب».

أصدر الفنان مصطفى كامل مجموعة من التصريحات خلال حفل الإفطار الذي أقامه في يوم الجمعة الموافق 31 من شهر مارس الجاري، ويرصد الأجواء أبرز هذه التصريحات.

أبرز تصريحات مصطفى كامل

إحنا أمان في ايدينا أعضاء الجمعية العمومية عموما والمعاشات.

أمانة إنك تدير شؤون الناس وصحتهم وأموالهم دي أمانة كبيرة أوي.

هنعرض لحضرتكم فترة 5 شهور فقط، النقابة أديرت فيها بشكل منضبط وعدلنا ما يمكن تعديله وأدرنا بشكل صحيح وكله عنده ربنا.

اللي تربح من فلوس ناس بسيطه ربنا يقعدهاله في ولاده.

كنت عايز أحسن دخل المعاشات ولازم أبتر أيد الفساد عشان أحقق رقم مالي أعيد بيه زمايلي على حسابتهم.

من أول يوم دخلت فيه النقابة سألت وعرفت أن أخر مرة تم تحسين المعاشات.

الفساد كان في القاهرة أكتر من المحافظات.

أنا مطهرتش النقابة 100% لأن الكمال لله وحده ولسة عندي شوية ناس مش منضبطة أخلاقيا.

احنا في طريقنا للتطوير هذه اللجنة بالكامل.

بوصيكم إنكم متستقلوش بنقابتكم دي بتطلع دهب ولو رعينا ربنا مفيش زميل فينا هيعاني.

لو رعينا ربنا في موارد النقابة لن نجد زميل فينا يعاني.

أي حد جاي يرخص بقى عامل للنقابة قيمة ومن غير ما أخوض في أي تفاصيل احنا مش دورنا إننا نذكر مساويء حد.

أنا لقيت نفسي أمام عقود موثقة وممضية مع شركات اتصالات كان الترخيص بـ 650 ألف جنيه لمدة سنة فأصريت على مخاطبة الشركات. بتغير كافة البروتوكلات لأني مش مضطر أمشي على نهج أي زميل ليا وتم تغير البروتوكولات.

لو لقيت زميل ليا أجدر بالكرسي ده اكتر مني هكون في ضره ومش هترشح.

أزمة مصطفى كامل مع مسلم

وكان قد الفنان مصطفى كامل نقيب المهن الموسيقية، كواليس أزمة مطرب المهرجانات مسلم وعدم حضوره إلى مقر النقابة بعد استدعائه وإيقافه، وقال مصطفى كامل في مداخلة هاتفية أجراها في برنامج خط أحمر، الذي يقدمه الإعلامي محمد موسى ويعرض على قناة الحدث اليوم: الشباب الجدد أكتر ناس تعبينا، وأي شاب في بداية حياته بيكون متهور في كل تصرفاته وبيكون همجي ومش فاهم، وكل الناس حذرتني من التعامل مع مسلم بما فيهم جدران النقابة، ده شخص متعب ومزعج.

وتابع: بدء يبعتلي على واتساب وانستجرام وقولت لازم اقف جنبه وكان بينا مكالمة وقولتله لن اقبل اخي او ابني وهو مش مأدي الخدمة العسكرية، وقوتله روح ادي حق بلدك عليك ولن اقلبك سنك تجاوز المدة العسكرية، جابلي ما يفيد انه راح التجنيد وقولت النقابة هتتيح التصريح في حالة إحضار موقفه من التجندي وقولت من شروط القيد أن يجيب ما يفيد موقفه من التجنيد ولا يشترط فيه انه أدى الخدمة أولا.