ريهام عبد الغفور: أوقات مش بيبقى معايا فلوس وراضية عن شكلي ومش بحب عمليات التجميل

الفنانة ريهام عبد الغفور

كشفت الفنانة ريهام عبد الغفور عن الأدوار التي ندمت على تقديمها، كما كشفت عن رأيها في عمليات التجميل والبوتوكس.

وقالت ريهام عبد الغفور خلال لقائها في برنامج أنا والقناع والتي تقدمه الإعلامية منى عبد الوهاب ويعرض عبر قناة الحياة: أول عشر سنين في حياتي كنت بضيع ادور كتير مني، الحاجات اللي معملتهاش مكنتش بتاعتي ومقتنعة أن ربنا بيعمل الخير بس.

وعن الأعمال التي رفضت تقديمها وكانت تتمنى ألا ترفض قالت: فيلم قلب جرئ ياسيمن عملته وساعتها رفضت أعمله عشان كنت مشغولة في المسرح.

وعن تقدمها أكثر من عمل خلال الفرة الماضية قالت: عملت أكتر من الناس متعودة عليا عشان الأدوار كانت حلوة وميتقالهاش لا وانا كان عندي احتياجات مادية وابني كان بيدرس في كندا وأنا كنت بنقل البيت.

ريهام عبد الغفور: أوقات مش بيبقى معايا فلوس وظروفي مش حلوة

وأضافت: أنا زي أي بني آدم بيكون أوقات مش معايا فلوس وظروفي مش حلوة ولما ظروفي تبقى وحشة تجيلي ادوار حلوة بحس ربنا بيساعدني ومكنش في دور شبه التاني.

وكشفت عن رأيها في عمليات التجميل وقالت: ساعات عمليات التجميل بتبقى ضرورية جدا وساعات في ناس بتبقى مضايقة من حاجة في شكلها بيبقى من حقها تعمل عملية تجميل.

وأضافت: أنا عملت مرة بوتوكس وقعدت شهرين في البيت عشان مش عايزة حد يشوفني عشان كنت حاسة أن في حاجة مختلفة ومش انا.

ريهام عبد الغفور: أنا راضية عن شكلي ومش بحب عمليات التجميل

وتابعت: أنا راضية عن شكلي وعايزة ابقى مناسبة للدور وبحب شغلي اوي وبخاف عليه اكتر من شكلي وفي شخصيات اعرفها الموضوهع بيبقى ادمان وبيبقى شكلهم مختلف،أما أنا مش عايزة شكلي يبقى مختلف أنا عايزة ابقى حقيقة وصادقة لان ده شغلي.

واستطرت: ولو بشتغل شغل تاني ابقى اعمل حاجات تصغرني أما شغلي معتمد على التعبيرات فبخاف أثر عليها وساعات الخطوط بضايقني وحظي مش احسن حاجة في الموضوع والخطوط بتعلم أكتر من سني عشان جلدي حساس.

ريهام عبد الغفور: بختار الأعمال اللي هتبقى على زوقي

وكشفت: كان عندي سوء اختيارات لما شاركت في أعمال زي عليا الطرب بالتلاتة وبالعربي سيندريلا وكنت عايزة سينما وخلاص وفي حاجات معملهاش دلوقتي حتى لو هتنجح، وبقيت بختار اللي هيبقى زوقي دلوقتي وده مكنش مناسب ليا ولا لوقتها ولا اي وقت.

كما كشفت أنها ترفض العمل بالواسطة وقالت: مش عايزة حد الواسطة والمحسوبة ومكنتش عايزة حد بيقول بتمثل عشان أبوها .

ريهام عبد الغفور: أنا حساسة وممكن أفضل أعيط شهرين عشان كلمة

واختتمت: أنا حساسة والكلمة ممكن تجرحني وافضل شهرين اعيط عشان كلمة ، وكنت زمان عايزة الناس تحبني وكنت بعمل كل اللي اقدر عليه ومش عايزة افشل وأبويا يبقى فخور بيا ومرة واحدة قولتله يكلم حد ومعمليش حاجة وأنا حسيت بالذنب اني حطيته في الموقف ده