إعلان بنك مصر
تعرض إعلان بنك مصر، الذي جمع كلًا من الفنان محمود العسيلي، والفنان حمزة نمرة، لانتقادات بعد غناء العسيلي على قمة جبل موسى، وهو ما اعتبره البعض إساءة لقدسية المكان.
انتقادات كبيرة لإعلان بنك مصر.. بعد غناء العسيلي على جبل موسى
ونشر العديد من مستخدمي مواقع التواصل الاجتماعي صورًا أثناء غناء العسيلي لأغنية جوايا نور ما ينطفيش، لانتقاده بشكل كبير، بسبب غنائه على جبل موسى وهو نفس المكان الذي تحدث فيه النبي موسى مع الله.
وقال أحد متابعي الإعلان على فيس بوك: العسيلى لابس سلاسل وبيغنى لبنك مصر.. بيغني فين؟! بيغني وهو واقف على البقعة الطاهرة اللي ربنا كلم فيها سيدنا موسى عليه السلام، والمكان الوحيد على الأرض اللي تجلى فيه رب العالمين.. جبل الطور سيدنا موسى لما جه يطلع على الجبل ربنا قاله فأخلع نعليك إنك بالوادي المقدس طوى وإحنا في غفلة والله.
وتابعت انتقادات الجمهور لإعلان بنك مصر للعسيلي وحمزة نمرة: إعلان إيه اللى عاجبكوا ده؟! وعارضة إيه اللى مخلياكوا مبهورين بيها !! إنتو عارفين العسيلي بيرقص وبيغنى مع بنات بلبس خليع فين؟ واقف على جبل سيدنا موسى المكان المُقدس اللى كٓلم فيه ربنا بجلالة قدره هو بيغنى فيه سيدنا موسى لما جه يطلع على الجبل ربنا قاله فاخلع نعليك إنك بالوادي المقدس طوى، ده إن دل على شيء فهو إننا بقينا في غفلة لا عارفين بنعمل إيه ولا بنتابع إيه وبنتفرج على إيه إحنا في غفلة والله
انتقادات كبيرة لإعلان بنك مصر.. بعد غناء العسيلي على جبل موسى
وزادت التعليقات: الجبل اللي سيدنا موسي بنفسه خلع نعله وهو طالع عليه، الجبل اللي سيدنا موسي كلم ربنا سبحانه وتعالى عنده، العسيلي طالع بالكوتشي يغني ويرقص عليه
انتقادات كبيرة لإعلان بنك مصر.. بعد غناء العسيلي على جبل موسى
وجاء أحد التعليقات بانتقاد لاذع بشكل كبير للعسيلي قائلًا: تخيل العسيلي بيعمل إعلان لبنك مصر على جبل موسى المكان الوحيد اللي ربنا تجلي فيه، وكلم سيدنا موسى، وهو واقف عليه لابس خواتم وسلاسل، حسبي الله ونعم الوكيل.
إعلان بنك مصر للعسيلي
ومؤخرًا، كشف بنك مصر عن الأغنية الرسمية له في الموسم الرمضاني 2023، عن طريق نشره لها خلال حسابه الرسمي بموقع التواصل الاجتماعي فيس بوك، معلقًا بجزء من كلمات أغنية جوايا نور ما ينطفيش، وجاءت كالتالي: من حسن ظني بيك يا رب.. واثق بأني في كل صعب.. دايما فاكرني مابتنسانيش وطول ما في القلب نبض.. من تاني هبدأ من مافيش.. جوايا نور مابينطفيش جوايا نور.. ماينطفيش.
