فقدت بصرها
أعلنت الصفحة الرسمية للبلوجر الشهيرة سارة محمد عن فقدها لبصرها بشكل نهائي، وذلك بعد إجراء أخر محاولة لها من خلال عملية دقيقة خضعت لها في الساعات القليلة الماضية.
البلوجر سارة محمد تفقد بصرها بشكل نهائي
وجاء على الصفحة الرسمية للبلوجر سارة محمد عبر موقع تبادل الصور والفيديوهات انستجرام من خلال خاصية “ستوري”: “سارة فقدت آخر أمل كانت متمسكة به للأسف النتيجة النهائية سارة فقدت بصرها اللهم لا نسألك رد القضاء ولكن نسألك اللطف فيه”.
وتابعت أسرتها الحديث، قائلين: سارة فقدت آخر أمل ليها.. وعد مني ليكي يا سارة قدام ربنا هفضل الأخ والصاحب والسند ليكي ومفيش يوم هتخلى عنك فيه واحنا موجودين وأهلك وأصحابك موجودين هنكون نور عينك وهنحاول نعوضك عن كل حاجة قد الإمكان والله وربنا يقدرنا يارب ويصبرك.
سارة محمد تخضع لعملية دقيقة في العين
وكان قد كشف زميلها البلوجر عمرو عن خوع البلوجر سارة محمد لعملية جراحية دقيقة في العين، فقال: آسف أني مطمنتكمش أول ما استلمنا الأشعة، للاسف الموضوع مكنش مطمئن نهائي ولسه مش مطمئن خالص بصراحة.
وتابع: الدكتور قرر أنه هيعملها العملية ونسبة نجاحها أقل من 5%.. كل اللي علينا دلوقتي واللي نقدر عليه أنه ندعيلها ونكثفلها في الدعاء، ادعوا يا جماعة ادعوا.
البلوجر سارة محمد وخطيبها
ويذكر، أن أثيرت حالة من الجدل بعد إتهام خطيب البلوجر سارة محمد بتركها بعد الحادث الذي تسبب في فقدها بصرها أثناء عودتهم في السيارة على طريق إسكندرية، لكنه قال في تصريح خاص، موضحا حقيقة الأمر: حنا كنا سايبين بعض ولسة راجعين لبعض قبل الحادثة ومرجعناش بشكل رسمي إحنا كنا بنتكلم من غير ما يبقى فيه خطوبة وأهلها عارفين وسارة كانت معايا كل يوم بشوفها وبنتقابل واحنا أصلا جيران والبلكونة جنب البلكونة، أهلها مرضيوش يدخلونا من الباب قعدنا عند الجيران وهما عارفين كل حاجة وحاولنا نرجع الدنيا ولكن باباها رفض علشان فيه خلافات بيني وبين والدتها، وقالي صلح الدنيا ونكتب الكتاب وأنا قولته مش دلوقتي لما نفوق من الصدمة وإزاي هكتب قايمة وأنا مشوفتش حاجة ولو هكتب الكتاب احنا من دماغنا اللي هنقرر مش حد هيفرض علينا نعمل كدة.
