الراقصة دينا
كشفت الراقصة دينا عن عدد زيجاتها، مؤكدة أنها تزوجت 9 مرات، إذ أشارت إلى أن هذا الرقم بالنسبة لها قليل، فالفنانة تحية كاريوكا تزوجت 13 مرة في حياتها.
وتحدثت دينا عن هذا الأمر، خلال لقائها في برنامج كلمة أخيرة، مع الإعلامية لميس الحديدي، إذ قالت: أتجوزت 9 مرات والرقم ده قليل، الست تحية كاريوكا كانت عظيمة وأتجوزت 13 مرة وأنا بتنافس معاها.
كما تحدثت دينا عن مدة أقل زيجة في حياتها، قائلة: أقل جوازة قعدت سنة، أما أكثر فترة زواج كانت 5 سنين وشوية، وزوجي سامح ربنا أراد أني أقعد معاه سنتين بس، وأكتر حد حبيته شخص مش معروف ومكملناش مع بعض عشان الظروف وعشان مهنتي صعبة.
دينا: الرقص زي ابني مفيش حجة تعوضني عنه
وكشفت دينا عن سبب انفصالها لأكثر من مرة، إذ أكدت أن بعض الخلافات مع زيجاتها يرجع إلى مهنة الرقص، لافتةً إلى أنها تفضل مهنة الرقص على الحياة، معقبة: ببدي مهنة الرقص على الحياة ودي وجهت نظري.
وتابعت دينا: لو أنا اتنزلت عن حاجة بحبها، هطلب في المقابل حاجات كتير محدش هيقدر يعملها، حرام أظلم حد وهقول يعوضني لأن محدش هيعرف يعوضي.
وأضافت دينا: لو سبت الرقص مش هبقى دينا هبقى واحدة تانية مكسورة، متاخد منها حاجة بتحبها، زي الأم اللي متاخد منها ابنها.. ومحدش هيعرف يعوضني عن الرقص، وأنا بقول حاجتين أساسيين قبل الزواج وهما أول حاجة مش هسيب الرقص، تاني حاجة لما تزهق ماتبصش لحد تعالي قولي وأنا همشي.
كما كشفت دينا أنها تعرضت للخيانة من قبل: أتخنت كتير لأني مش فاضية، والشغل كان بيبتدي من 9 بليل لـ 6 الصبح، والراجل اللي هيستحمل الست اللي بتشتغل في الوقت ده لازم ياخد جائزة نوبل.
