كتبت: ياسمين ياسر
وجهت الإعلامية ياسمين عز رسالة جديدة للسيدات من خلال برنامج كلام الناس المذاع عبر شاشة «mbc» خلال الساعات القليلة الماضية، تقدم لهم نصيحة من خلالها بعدم تقليد الأخرين وتكرين شخصية خاصة بهم في معاملة الزوج.
وقالت ياسمين عز خلال برنامج كلام الناس: «إياكي تعملي زي دعاء وبلاش تقومي جوزك على سلفتك وتخليه ميديهاش نصيبها هي وعيالها في الميراث».
وأضافت ياسمين عز: «الدور جه على مدام أميرة، وهنسميها مدام أشمعني دايما بصة لسلفتها، وليلي نهار مفيش على لسانها غير كلمة أشمعني، أشمعني بيغيرلها العربية وأنت لا، وتسود الحياة في وشها ووش جوزك، أشمعني تصبغ شعرها وأنا لا، أنتي كدا يا مدام بتكرهي ولادك وجوزك في عيشتهم، ولاد عمهم وأهلهم، وهيطلعوا معقدين يا مدام، وعرفيهم أنهم هيطلعوا بيكرهوا الناس، ولازم تعرفيهم أن ربنا بيدي كل واحد نصيبه و24 قيراط، ومينفعش تروحوا لكوافير سيلفتك وتقوليله لو عرفت أنك بتعمل لسلفتي شعرها هنزعل وتقوليله مش هجيلك تاني».
وتابعت ياسمين عز: « وكمان متكليش ودن حماتك ليلي نهار عن سيلفتك، وتقوليها تخيلي يا طنط ملمعتش نجف بيتها من يومين، بقولك متعمليش زي سهير».
