كتبت: ياسمين ياسر
اشتكت الإعلامية ياسمين عز من الإزعاج الذي يسببه لها أحد سكان المشروع السكني الذي تقيم به، بسبب تعديلات يقوم بها في محل سكنه منذ شهر سبتمبر الماضي.
وقالت ياسمين عز خلال تقديمها حلقة اليوم من برنامج “كلام الناس” عبر قناة MBC مصر: “كلامي للمهندس ماجد شريف رئيس مجلس الإدارة، يعني إيه شخص معاه فلوس يشتري بيت أو شقة، وعايز يوسع بيته، فيشتري جزء من نادي مشاع مخصص للكمباوند، ويدق على راسي وراس السكان، اللي كانوا هانئين في بيوتهم، ولما تسأل الكمباوند يقولوا شخص مهم حصل على استثناءات؟”.
وأضافت: “البيت ممكن يكون فيه حد مريض أو مش عارف ينام أو أي ظرف، والوقت اللي إحنا عايشين فيه لا يوجد فيه حد مهم فوق القانون يعبث ويلهو بدون حسيب أو رقيب، لازم إدارة المشروع تحترم السكان”.
وتابعت: “أنا مرفعتش التليفون أطلب واسطة، لإني بنت ومواطنة مصرية عادية ودماغي ناشفة، وأحب آخد حقي بالامتيازات اللي بلدي وفرتها”.
واختتمت ياسمين عز رسالتها قائلة: “رجاء محتاجة حد يرد عليا، شوفوا مين الشخص المهم اللي اشترى شيء مش من حقه وحصل على استثناءات، هو حر في ماله لكن بدون إزعاج لجاره، النبي وصى على سابع جار”.
