كتبت: ياسمين ياسر
علق الفنان خالد محمود، على الأزمات بين الأزواج التي يشهدها المجتمع في الوقت الحالي، مؤكدًا أن أساسها البُعد عن الدين، منوهًا بضرورة امتحان المقبلين على الزواج من قِبل الأزهر.
وقال خالد محمود، في تصريحات تلفزيونية: الراجل والست بعدوا عن الدين، فالبعد عن الدين وصلهم للي هما فيه، ولا الراجل بقى عارف اللي عليه ولا الست بقت عارفة اللي عليها، مع تطورات العصر والندية اللي بقت موجودة بين الطرفين وصلنا للي إحنا وصلنا له.
وأضاف: كنت أتمنى إن أي اتنين لما ييجوا يتجوزوا الأزهر يطلع كتاب عن معاملة الزوج والزوج يذاكروه ويمتحنوا فيه لو نجحوا يتجوزوا، وهو ده اللي هيوصلنا للاحترام بين الزوجين وده أساس أي أسرة.
خالد محمود
كما تحدث الفنان خالد محمود، عن بداية مشواره الفني، مُشيرًا إلى أنه فضل التمثيل على حلمه أن يكون طيارًا، موضحًا: أنا كنت عايز أطلع طيار ولكن كل أصحابي قالولي أنت مؤهل تكون ممثل، وبعد ما خلصت ثانوي جالي كلية دار علوم وملحقتش أقدم في معهد فنون مسرحية وقضيت سنة في دار العلوم وبعدين قدمت في معهد فنون مسرحية.
وأكمل: وبعد ما خلصت معهد فنون مسرحية بدأت أمثل وبعدين لقيتهم نقلوا المطار في إمبابة ونزلوا الشروط وقدمت واتقبلت الحمد لله، وبقيت بتدرب طيران وأنا بمثل، ومبقتش عارف أوفق بين الطيران والتمثيل واخترت التمثيل.
