كتبت: ياسمين ياسر
كشفت الفنانة فيفي عبده، تفاصيل قيامها بالسبع موجات وسر استجابة دعائها في البحر، مؤكدة أن حياتها العملية تغيرت بعد دعائها في وسط البحر.
وقالت فيفي عبده، خلال حوارها مع الإعلامية ياسمين عز، في برنامجها كلام الناس: أنا متعودة طول عمري أروح البحر أقرأ قرآن وأنا واقفة بنزل سبع موجات ورا بعض من غير ما خد نفسي علشان أغسل همومي وبتفائل بيها.
وتابعت: جالي فترة قعدت كذا سنة مش بشتغل وكان عندي حالة اكتئاب ووزني زاد، وروحت مارينا، ووقفت في الميه وبصيت لربنا وقلت له وحياة موجك تنصفني على كل اللي ظلموني، وحياة ربنا طلعت من المياه لقيت المنتج طالبني، وكتبت على اسمه بسم الله الرحمن الرحيم بعد ما طلعت من السبع موجات.
وأضافت فيفي عبده، أنها منذ تجسديها شخصية كيداهم في مسسلسل كيد النسا، وحياتها العملية تغيرت للأحسن، قائلة: المنتج قال لي سمية الخشاب معايا، وعملنا كيداهم وافتحت الدنيا ما شاء الله كان مسلسلي نمرة واحد، وبعدين عملت مولد وصاحبه غايب مع هيفاء، ومسلسل كيداهم كل كلامي في المسلسل تأليفي عملت شخصيتي الطبيعية، لأن أنا تركيبتي وشخصيتي كده.
فيفي عبده
كما علقت الفنانة فيفي عبده، على ظهورها في برنامج المقالب الخاص بالفنان رامز جلال، وانتقادات الجمهور التي طالتها بعد ظهورها بدون مكياج، قائلة: لما طلعت مع رامز جلال ولبسني الطاسة، طلعت الطاسة بحواجبي قالوا ده عبده فين فيفي وبقيت أطلع للناس من غير حواجب، قلت لهم أنتم بتذلوني أني ما عنديش حواجب طيب هشيلها خالص.
فيفي عبده تكشف سبب عدم وضع وشم على جسدها
أما عن سبب عدم وضع وشم على جسدها، فقالت: مش بعمل تاتو جسمي علشان مش بيستحمل خالص، وعاوزة اعمل مايكروبليدنج بس خايفة.
