بعد اتهامه لوالدة برلنتي عامر بسرقة 75 ألف جنيه.. سعد الصغير يتنازل: أم مراتي تاخد اللي هي عايزاه
كتبت: ياسمين ياسر
تراجع سعد الصغير، عن اتهامه لوالدة برلنتي عامر، من سرقة مبلغ مالي قدره 75 ألف جنيه كان بداخل سيارته، وذلك بعد عودته مباشرة لـ برلنتي.
ونشرت برلنتي عامر فيديو لايف يجمعها مع الفنان سعد الصغير، من خلال حسابها الشخصي بموقع التواصل الاجتماعي فيس بوك، وتحدث عن واقعة سرقة أمواله من سيارته، حيث قال: داخلين على أيام مباركة وفي رمضان، الحاجة أم برلنتي فتحت الباب وقعدت 5 دقايق، مفيش حد يفتح عربية في دقيقتين ويسرق فلوس.
وتابع سعد الصغير: أنا علشان خاطر ربنا ميدخلنيش النار، ولو خدت الفلوس حقها، بس عمرها ما طلبت مني فلوس، أم مراتي تاخد اللي هي عايزاه.
اتهام سعد الصغير لوالدة برلنتي عامر
وكان الفنان سعد الصغير اتهم والدة برلنتي عامر بسرقة أموال من سيارته، وذلك من خلال لايف له، قال: كنا قاعدين في عربيتي ولقيت والدة برلنتي عامر بتدور على حاجة بقالها 5 دقايق، وقالتلي أنا بجيب حاجة لـ بنتي، واكتشفت إنها سرقت 75 ألف جنيه مني.
وأضاف سعد الصغير: عمري ما توقعت إنها تعمل كدا لأنها ست كبيرة ومحترمة وبتصلي، وطبعًا جريت وراهم على الطريق لأنهم حاولوا يهربوا، وعملت لهم محضر وبرلنتي كانت هتبوس إيدي عشان أتنازل، وإلا والدتها هتتحبس، وقالت لي احبسني أنا بس بلاش والدتي، ودا مكنش هينفع لأن لازم الاتنين يتحبسوا وتمسكت برأيي.
