حمو بيكا: الناس بتطلب فلوس ببجاحة وقالوا إزاي مش معاك فلوس ومراتك لابسة كل الدهب ده

الفنان حمو بيكا

كشف الفنان حمو بيكا، تفاصيل رسالته التحذيرية المثيرة للجدل التي وجهها إلى معارفه الذين يطلبون المساعدات المالية منه ومن والدته، قائلا: «قلت لهم مش معايا، قالوا لي مراتك معاها دهب، المفروض إني أبيع لهم الدهب عشان أديهم؟! تعبت نفسيا من الناس اللي بتطلب ببجاحة».

وأضاف بيكا، في مداخلة هاتفية مع الإعلامية بسمة وهبة، مقدمة برنامج «90 دقيقة»، المذاع عبر قناة «المحور»: «إحدى السائلات ليست في حاجة إلى مساعدة، زوجها يسافر خارج مصر ويعمل في الولايات المتحدة الأمريكية، وللأسف ما يحدث معي غريبا، ولو معاكم فلوس بتطلبوا ليه؟!».

وتابع الفنان: «شقيت وتعبت كثيرا حتى أصل إلى هذه المكانة، ولم أولد مرفها أو أجد أموالا كثيرا تركها لي والدي، لكنني كافحت، أما والدي فقد علمني كيف أكون رجلا يعتمد عليه، ودلوقتي بقيت شايل بيت أبويا واخواتي».

حمو بيكا: مريت بمشاكل بعد سبوع بنتي بسبب الحسد

سبق وأكد حمو بيكا أنه مر بفترة صعبة بعد سبوع ابنته بسبب الحسد، مشيرًا إلى أن ما قيل بشأن تكلفة السبوع غير صحيح.

وأضاف حمو بيكا في فيديو نشره عبر حسابه بموقع فيس بوك: اتقال إن السبوع اتصرف عليه ملايين وعربية بـ 10 مليون دولار، إزاي دي عربية كانت مخلعة.. الكلام ده مش حقيقي روحوا واسألوا على القاعة بنفسكم، وكل اللي حضروا معلمين ونجوم بيحبوا بيكا، والدنيا كلها بتعمل كده، وأكبر من كده بكتير ولا علشان أنا حمو بيكا.

وتابع حمو بيكا: سيبوا الملك للمالك وقول يا رب وطول ما أنت بتسعى ربنا هيقف جمبك، لكن ماتبقاش نايم في بيتك ننه ولا بابي ومامي بيدوك المصروف وتطلعهم علينا.

أعمال حمو بيكا

يذكر أن حمو بيكا طرح مؤخرًا أغنية الدنيا بايظة، عبر قناته الرسمية بموقع الفيديوهات الشهير يوتويب، وهي من غناء بيكا وأحمد موزة ومن كلمات شمس الناسف.

وجاء كلمات أغنية الدنيا بايظة، كما يلي: أنا من زيزنيا بحس بفخر عمري، ما أخاف وما قولتش كلامنا دولي باسم دبي، أصحى صحالي الناس بصالي، اللي هشوفه أنا هديله عالي أنت عليا رخيص مش غالي.