محمود العسيلي: اتجوزت 3 مرات عشان الاستقرار.. والناس فكراني أني متكبر لغاية النهاردة

المطرب محمود العسيلي

كشف المطرب محمود العسيلي عن السر وراء زيجاته الكثيرة رغم سنه الصغير، وأسباب الانفصال المتكرر، وذلك خلال لقاء له ببرنامج حبر سري مع المذيعة أسما إبراهيم.

تصريحات محمود العسيلي في حبر سري

وقال محمود العسيلي: أنا مش بعرف أعيش الحياة التقليدية، يعني لو أنا متضايق بحاول أصلح العلاقة ولو احنا الاتنين مش مبسوطين يبقى أحسن قرار لينا أننا منكملش لأن العمر قصير وأنا بحاول أعيش مبسوط ومرتاح، في ناس بتفضل دايسة على نفسها لأسباب كتيرة جدا في العلاقات الزوجية والشخصية.

وتابع: أنا نفسي اتعلمت درس في الحياة أهم حاجة الإنسان يكون مرتاح ومبسوط لو دا متحققش ليه ندوس على نفسنا، وأنا اتجوزت 3 مرات عشان عايز الاستقرار والعيلة، وفي الجوازتين الأولانية أنا اللي قررت أبعد، لأني فقدت الأمل أن العلاقة دي تتصلح.

محمود العسيلي: الناس فكراني أني متكبر جدا لغاية النهاردة

وفي الحلقة ذاتها، تحدث محمود العسيلي عن تفاصيل أزمة واقعة “أنت معاك واسطة عشان تتصور معايا؟”، وقال: الأزمة لسه معدتش لغاية دلوقتي وهي لسه موجودة، معرفش ايه اللي حصل ساعتها، الناس فكراني أني متكبر جدا لغاية النهاردة، وبقالي 5 سنين بوضح في القصة دي، وأنا تعاملت مع الموضوع بإيجابية شديدة، واتعلمت أن مفيش حاجة تستاهل حرقة الدم.

طرح أغنية مين كان يصدق

وسبق وأن طرح المطرب محمود العسيلي أغنية جديدة بعنوان مين كان يصدق، عبر قناته الرسمية على موقع الفيديوهات العالمي يوتيوب، وقد حققت الأغنية منذ طرحها وحتى الآن أكثر من 3 آلاف مشاهدة.

وجاءت أغنية مين كان يصدق من كلمات فلبينو، ألحان محمود العسيلي، وتوزيع علي فتح الله، وتقول كلماتها: “كان مستحيل قلبي يعرف يبتسم لا كان بعيد أصله خايف يتقسم يا جميلة ليه رجعتينا لسهرنا وطول ليالينا خدتي ذنبي قلبي ولع نار خلتيني احب الدنيا واسمع المزيكا تاني مين كان يصدق ده مش ممكن لا لا لا هو فيه حد النهارده يعرف يصد الجمال ده فيه حد يعرف ده.. مش ممكن لا لا لا ويا ليالي ليه حبيبتينا في عيون حلويين رامتينا سيبت نفسي مش بإيدي اختار يا جميلة ليه رجعتينا لسهرنا”.