الفنانة لقاء سويدان
علقت الفنانة لقاء سويدان على ما تداوله الجمهور على منصات التواصل الاجتماعي بشأن إعجابها بالفنان ميدو عادل، ورفض الأخير دفعها لضربه في كواليس مسرحية سيد درويش.
أزمة لقاء سويدان وميدو عادل
وأكدت لقاء سويدان في تصريحات تلفزيونية، أن كل ما تردد حول إعجابها بالفنان ميدو عادل ورفضه الذي تسبب في أزمة مسرحية سيد درويش، مجرد شائعات وتحليلات وهمية من البعض، إذ قالت: أنا شغالة في المسرحية دي بقالنا 4 سنين، وهاجي في آخر شهر أعجب بميدو هيقولي لا.. والناس اللي بتشم دي بتبقى فيييك، أنا أقدر أعمل أكونت فيك ويشتم، كل الناس بتتشم، الشيوخ بتتشتم، المذيعين بيتشتموا والمحجبات بيتشتموا.. كله بيشتم في كله.
لقاء سويدان: لما بحس إني عايزة أغسل نفسي بروح لربنا
كما تحدثت الفنانة لقاء سويدان على أدائها مناسك العمرة مؤخرًا بعد أزمتها مع الفنان ميدو عادل في مسرحية سيد درويش، موضحة: أنا لما بحس أني عازيزة أغسل نفسي بروح لربنا وبعمل عمرة، هو في مين أجمل من ربنا ممكن أروحله.
كما أشارت لقاء سويدان إلى أن النيابة الإدارية تحقق في أزمتها مع ميدو عادل، بجانب العديد من جهات التحقيق الأخرى، متابعة: أزمتي مع ميدو عادل في النيابة الإدارية قبل شهر من انتشارها على السوشيال ميديا، والفيديو اللي اتسرب ده جزء بسيط جدا من فيديو كامل وكان فيه مذكرات وفي أكثر من طرف مش لوحدي.
لقاء سويدان: معظم الفنانين الكبار بيموتوا فقراء
وسبق وأن طالبت الفنانة لقاء سويدان، بالالتفات لحياة الفنانين ومساعدتهم بمدهم بامتيازات خاصة، قائلة: مش كلنا عندنا طيارات خاصة، إحنا مش مليونيرات، وحتى الناس اللي عندها طيارات خاصة عندهم مشاكلهم الشخصية والعائلية.
وتابعت: معظم الفنانين الكبار بيموتوا فقراء، النقابة آه عملت دار مسنين، بس لسه فيه مشاكل كتير للفنانين محتاجة تتعالج، ممكن أخلي فيه سن معين للفنانين يبقى معفي من حاجات كتير زي أي مواطن، عايزة من الدولة زي ما الفن قوة ناعمة، يبقى من حق الفنان يكون له امتيازات ولو بسيطة.
وأوضحت لقاء سويدان: فكرت كتير أعمل مشروع، بس مش قادرة أعمل مشروع كبير، وبتيجي عليا أوقات كتير مشتغلتش بس بعمل حاجات تانية، بدرس، أنا الأولى على دفعتي وورحت درّست دراما في دبي مع وزارة التربية والتعليم هناك وكانت تجربة مهمة، كنت بدرس دراما مش كورسات، وأنا ممكن أعمل أي حاجة ما دام هي حلال.
