كتبت: ياسمين ياسر
يستعد المطرب تامر حسني لاحياء حفل غنائي ضخم يوم ٥ من شهر نوفمبر القادم، وذلك داخل احدي الجامعات الخاصة داخل القاهرة.
ومن المفترض أن يقدم تامر خلال الحفل مجموعة متنوعة من أشهر أغانيه القديمة والجديدة بالإضافة إلي أغاني فيلمه الجديد بحبك والذي حقق نجاحا كبيرا.
شارك الفنان والمطرب تامر حسني جمهوره ومتابعيه بفيديو تكريم الفنانة هنا الزاهد في مهرجان الفضائيات العربية وعلق عليه قائلا: “بكتب بوست عن هنا والله والله مش عشان بتهديلي الجايزة، لا … بكتب كلمه من قلبي عشان هي بنت قلبها جميل ومقدره المجهود اللي عملته عشانها وعشان كل الممثليين نوع القلب دا مبقاش موجود أو ي، ياما ناس بتساعد ناس، بس نادرين أو ي اللي قدروا المجهود دا وعندهم قلب جميل يخليهم مينسوش تعب الناس اللي كانوا جانبهم واخلصولهم من كل قلوبهم، كنت فاقد الامل في النوع دا من القلوب يمكن عشان قدمت ناس كتير وللاسف معظمهم قلوبهم اتغيرت بعد ما نجحوا”.
وأضاف الفنان تامر حسني قائلا: “بس للأمانه هنا الزاهد هي هي نفس القلب الأبيض الجميل من أول يوم اكتشفتها فيه في مسلسل فرق توقيت بدور بسيط في بدايتها لحد فيلم بحبك اللي هي بطلته دلوقتي الفيلم اللي حقق أعلى ايراد دولي في تاريخ مصر والعرب وتجاوز الـ ٦٠٠ مليون في ظاهره أولى من نوعها ومش بس إيرادات لا دا حقق أعلى عدد زوار سينما في تاريخ السينما وبتتكرم عنه دلوقتي بجايزه مبياخدهاش إلا المتميز المبدع”.
واختتم الفنان تامر حسني رسالته إلى هنا قائلا: “افرحي بنجاحك وبشغلك الرائع في الفيلم مبروك يا هنا كل الناس بتحبك وكل الناس فرحانه بيكي وأنا بجد فخور بيكي وبقلبك الجميل المحترم الأصيل، شكرًا على الجايزه مستنيها في شركتي مليش دعوة، مليون مبروك يا أجمل هنا”.
طرح الفنان تامر حسني مؤخرا أغنيته الجديدة “حياتنا” على طريقة الفيديو كليب ونالت ولاقت تفاعلا كبيرا من جمهوره ومتابعيه ومستمعي أغانيه بالإضافة إلى نجاح الأغنية وتجاوزها حاجز الـ 5.2 عبر موقع الفيديوهات الشهير يوتيوب على القناة الرسمية للفنان تامر حسني، والأغنية من كلمات الشاعر أحمد حسن راؤول، وألحان إسلام زكي.
