حورية فرغلي تهاجم طليقة حسن شاكوش: هرفع عليكي قضية تشهير ومش هتستحملي اللي هيحصل فيكي

طليقة حسن شاكوش

حرصت الفنانة حورية فرغلي على الرد على ريم طارق طليقة مطرب المهرجانات الشعبية حسن شاكوش، وذلك بعد تلميحها بوجود علاقة بين حسن شاكوش وحورية فرغلي، ورفضها الاعتذار عن هذا التلميح.

حورية فرغلي لطليقة حسن شاكوش: بتجيبي اسمي عشان تطلعي تريند 

وخرجت حورية فرغلي في فيديو عبر حسابها الرسمي بموقع تبادل الصور والفيديوهات انستجرام: الموضوع بقاله فترة بس مضايقني وقررت اني أشهدكم وأشارككم الحقيقة عشان لو انا غلطانة.. أنا كنت ساكتة ومبردش عشان انا أكبر بكتير من كدة والموضوع زاد عن حده وبقى أوفر.

وتابعت موجهة حديثها لطليقة حسن شاكوش: انتي عايزة تريند وتجيبي اسمي وخلاص عشان تطلعي تريند، سكتلك أول مرة لكن تطلعي تقولي اني عارفة حسن شاكوش كان بيخونك على مين ده اللي ميتسكتش عليه، هو أنا هعرف منين هو على علاقة بمين؟ 

حورية فرغلي توجه رسالة صارمة لطليقة حسن شاكوش

وتابعت حورية فرغلي حديثها لطليقة حسن شاكوش وقالت: أنا معرفكيش عشان تجيبي اسمي في أي حاجة وأنا أكبر من الفيلم الهندي اللي عملتيه بكتير ولو جبتي سيرتي تاني مش هتتخيلي هيحصل فيكي واللي هعمله فيكي مش هتستحمليه وهرفع عليكي قضية تشهير.

آخر أعمال حورية فرغلي الدرامية

والجدير بالذكر ان آخر أعمال حورية فرغلي الدرامية كانت مسلسل أيام وشاركها البطولبة كل من رياض الخولي، شيري عادل، أحمد صفوت، سلوى خطاب، رشدي الشامي، محمد عادل، ندا موسى تأليف سماح الحريري، إخراج محمد أسامة.

وتدور أحداث مسلسل أيام في إطار درامي حول عبير التي تعيش مع عمها رياض بعد وفاة عائلتها، لكن زوجة عمها تختلق مشاكل لإبعاد عبير عن بيت عمها طمعًا في اﻻستيلاء على ثروته.

وفي وقت سابق، أعلنت الفنانة حورية فرغلي، تضامنها مع ما يحدث في فلسطين، وضحايا الكيان، وقالت على حسابها الشخصي بـ انستجرام: أنا بعمل الفيديو ده تضامن مع شعب فلسطين الحبيب وقلبي كله حزن وبيتقطع من اللي أنا بشوفه، ويا رب فك كربهم وينصر أهلنا في فلسطين.. الأطفال اللي بيموتوا مش ذنبهم حاجة والناس مش ذنبها حاجة اللي بتروح ضحايا من غير ما تعمل أي حاجة، معقولة الناس تروح ضحايا حد عمل حاجة غلط هما ذنبهم إيه الناس دي تموت، يعني انتوا بتحاسبوا شعب بسبب فئة غلطت حرام الناس اللي بتموت دي يا جماعة.

واستكملت حورية فرغلي حديثها: أنا مليش في السياسة خالص ولا بتكلم فيها بس والله العظيم لأول مرة، لازم جامعة الدول تتكلم وتعمل حاجة واحد يحاسب البلد كلها، وحرام الأطفال اللي بتموت دي اللي مش ذنبها إنها جت الدنيا تخرج وتدخل الدنيا بمزاجنا احنا.

وأردفت حورية: الأطفال اللي بيموتوا مش ذنبهم حاجة والناس مش ذنبها حاجة اللي بتروح ضحايا من غير ما تعمل أي حاجة، معقولة الناس تروح ضحايا حد عمل حاجة غلط هما ذنبهم إيه الناس دي تموت، يعني انتوا بتحاسبوا شعب بسبب فئة غلطت حرام الناس اللي بتموت دي يا جماعة.

وأضافت حورية فرغلي: أنا مليش في السياسة خالص ولا بتكلم فيها بس والله العظيم لأول مرة، لازم جامعة الدول تتكلم وتعمل حاجة واحد يحاسب البلد كلها، وحرام الأطفال اللي بتموت دي اللي مش ذنبها إنها جت الدنيا تخرج وتدخل الدنيا بمزجنا إحنا.

واستكملت حورية فرغلي: بصراحة أنا حزينة جدًا جدًا وبشوف الفيديوهات بتقطع وساعات مش بقدر أكملها بس لازم يكون فيه حل، ولازم الناس اللي تقدر تحل تحل بجد حرام اللي بيحصل ده وأنا بدعي ربنا إن الموضوع ده ينتهي.