الفنان محمد ممدوح
حقق فيلم وش في وش بطولة الفنان محمد ممدوح والنجمة أمينة خليل نجاح واسع متفوقًا على منافسيه، حيث تخطت إيراداته 17 مليون جنيه خلال 3 أسابيع عرض.
أبطال فيلم وش في وش
جدير بالذكر أن فيلم “وش في وش من بطولة محمد ممدوح، أمينة خليل، أحمد خالد صالح، محمد شاهين، خالد كمال، بيومي فؤاد، أنوشكا، أسماء جلال، محمد شاهين، محمود الليثي، سامي مغاوري، دنيا سامي، وسلوى محمد على، وإخراج وليد الحلفاوي.
قصة فيلم وش في وش بطولة أمينة خليل ومحمد ممدوح
وتدور أحداث العمل في إطار اجتماعي كوميدي لايت، داخل شقة زوجية يجتمع بالصدفة فيها عائلتا الزوج والزوجة مختلفتا الثقافة، وتحدث بينهما العديد من المشكلات، ونرى خلالها ما يحدث داخل الشقة في ليلة واحدة.
تصريحات أنوشكا عن فيلم وش في وش
وقالت أنوشكا بطلة فيلم وش في وش: سعيدة جدا ب وش في وش لأن دا يعتبر أول فيلم سينما بالنسبالي، قد ما أنا بحب المواضيع الاجتماعية الجادة جدا، بس الكوميديا شداني طالما مش كوميديا فارس، طالما مفيش أفورة في الطرح، وفي رسالة حلوة بتتقال، ورسالة جادة جدا بس مغلفة بشكل ظريف لطيف.
وتابعت: الفترة اللي فاتت مكانش فيه سينما أقدر الاقي نفسي فيها، المواضيع الاجتماعية بتشدني سواء مسلسل ولا فيلم ولا مسرح ولا إذاعة.. ايه الرسالة اللي بتتقال، ومبسوطة لأنه من بختي طلع فيلم.
ولاقى فيلم وش في وش بطولة محمد ممدوح وأمينة خليل ردود فعل إيجابية وصدى واسع منذ طرحه بدور العرض السينمائية وسط منافسيه من الأعمال الفنية الأخرى مثل فيلم مرعي البريمو وبيت الروبي.
وقالت أمينة خليل خلال مداخلة هاتفية لها ببرنامج مساء دي إم سي: العمل دا احنا كلنا حطينا فيه مجهود رهيب جدا، أن احنا نحاول نركز في ظل المواقف الكوميدية اللي كانت بتحصل طول الوقت.
وتابعت: علاقتي مع كل شخص في الفيلم علاقة أنا بحبها جدا، أنا وتايسون بقينا عشرة وحافظين بعض، وهو أخويا وحبيبي، وبتبسط جدا بالشغل معاه، والكيميا اللي بينا دي حاجة لا بإيدي ولا بإيده دي حاجة ربانية ربنا رزقنا بيها.
واضافت: وأنوشكا دي تاني مرة تطلع فيها بدور مامتي وأنا بتبسط أوي بالموضوع دا عشان احنا علاقتنا لطيفة جدا بردو، وهي مجتهدة وبتعلم منها في كل مشهد.
