محمد فؤاد: عارفين إن إحنا رايحين لرامز جلال.. ومحمد هنيدي عنده إيه مش عندي عشان أغير منه؟

الفنان محمد فؤاد

يحل الفنان محمد فؤاد اليوم ضيفًا على برنامج العرافة للإعلامية بسمة وهبة، وكشف حقيقة معرفته بمقلب رامز جلال في برنامج رامز نيفر إند.

ونشرت الصفحة الرسمية لبرنامج العرافة للإعلامية بسمة وهبة البرومو الرسمي لحلقة الفنان محمد فؤاد، وذلك خلال موقع التواصل الاجتماعي فيس بوك، معلقة: السؤال اللي حيرنا كلنا، إيه اللي يخلي نجم كبير بحجم محمد فؤاد إنه يقبل يحط نفسه في الموقف ده، حلقة نارية واستثنائية في ضيافة الدكتورة بسمة وهبة في العرافة، الليلة في تمام الـ 6.15 مساءً.

وكشف الفنان محمد فؤاد، حقيقة علمه بمقلب رامز جلال في برنامج رامز نيفر إند، إذ قال: أنا مشوفتش أي حاجة فيها قلة أدب بصراحة، عارفين إن إحنا رايحين لرامز جلال، ودراعي كان هيتكسر واتخدش، وروحت وهروح له تاني.

وعن تصريحه إنه يتوقع نجاح عمر كمال أكثر منه، قال محمد فؤاد: هو أنا مجنون ولا إيه، أنا اللي عملت عمر كمال يعني.

وسألته الإعلامية بسمة وهبة عن غيرته من الفنان محمد هنيدي بسبب فيلم إسماعيلية رايح جاي، قال محمد فؤاد: متخلقش اللي أنا أغير منه، عندك إيه مش عندي؟ أنا اللي كاتبلك تضَحك ازاي في الفيلم، يبقى أغير منه.

حلقة محمد فؤاد في برنامج رامز جلال

وحل الفنان محمد فؤاد ضيفًا على برنامج الفنان رامز جلال رامز نيفر إند، وشهدت الحلقة العديد من أبرز الأحداث وتصدرت تريند مواقع التواصل الاجتماعي.

هاجمت الإعلامية بسمة وهبة، الفنان سعد الصغير ووصفته بالمازوخي، وذلك بعدما كشف الأخير مفاجأة لأول مرة عن أزمته مع زوجته برلنتي.

وقال سعد الصغير خلال لقائه مع بسمة وهبة في برنامج العرافة: أنا اتبلّيت على والدة زوجتي برلنتي وقولت إنها سرقتني في 75 ألف جنيه، ومستعد أتحبس دلوقتي، لترد بسمة وهبة: تقول كدا عشان ترضيها؟ أنت مازوخي وبتحب اللي يعذبك.. ليه بتعمل كدا وتهين نفسك.

وعلى جانب آخر، أثار سعد الصغير جدلا واسعا على مواقع التواصل الاجتماعي بـ أزماته في الفترة الأخيرة، من بينها أزمة سعد الصغير وبرلنتي، حيث اتهم سعد والدة برلنتي بسرقته، وقال في تصريح سابق : داخلين على أيام مباركة وفي رمضان، الحاجة أم برلنتي فتحت الباب وقعدت 5 دقايق، مفيش حد يفتح عربية في دقيقتين ويسرق فلوس، كنا قاعدين في عربيتي ولقيت والدة برلنتي عامر بتدور على حاجة بقالها 5 دقايق، وقالتلي أنا بجيب حاجة لـ بنتي، واكتشفت إنها سرقت 75 ألف جنيه مني.