الفنانة منى زكي
حرصت الفنانة منى زكي الكشف عن سبب استمرار علاقتها بزوجها الفنان أحمد حلمي ونجاحها، مشيرة إلى أنه دائما ما يشجعها ويساندها في أشياء عديدة.
منى زكي: جوزي بيساعدني وبيشجعني عشان كدة بعشقه
وقالت منى زكي خلال لقاءها ببرنامج sold out interviews، الذي يقدمه الإعلامي محمود سعد على منصة watch it: جوزي مميز وبعشقه وأول ما اتجوزت كانوا بيقولوا المخدة مبتشيلش اتنين ناجحين لكن أحمد بيشجعني أوي وبيساعدني بحاجات كتير على المستوى الشخصي ولادي مش بيكونوا لوحدهم وأما أنا بكون بصور بيشاركني في ولاده وبكون ممتنة جدا لده لأن رجالة كتير مبتشوفش إن دي مسؤوليتهم أو حاجة تخصهم فأنا بكون مقدرة ده وشيلاها.
منى زكي تتحدث عن نجاحات مسلسل تحت الوصاية
وكانت قد تحدثت منى زكي خلال البرنامج عن نجاح مسلسل تحت الوصاية الذي عرض ضمن سباق مسلسلات رمضان 2023، فقالت: احنا كلنا اجتهدنا وتعبنا في المسلسل فوق التعب العادي، والنجاح بتاع المسلسل ربنا بيرضيني بيه ومش مهم اي حاجة تانية.
كما تحدثت عن انتقادات بوستر المسلسل، موضحة: مش شايفة إنها صورة قبيحة وأنا مبشوفش اي ست وحشة في الدنيا، في 100 ألف حاجة في كل ست بتخليها مميزة.
منى زكي وتغيير فكرة مسلسلها من الحاجة صيصا لـ تحت الوصاية
واستكملت منى زكي حديثها: مكنش عندي وقت طويل أذاكر مشروع تحت الوصاية؛ لأني كنت بعمل مشروع تاني خالص وبحضرله وبيتطلب إني أكون راجل وكان مستوحى من قصة الحاجة صيصا لكن مش قصتها ولكن بعد ما عرفنا إن روجينا ابتدت في المشروع من قبلنا قولنا لا عيب ولازم نغير وغيرنا فعلا، بس مغيرناش كتير هي نفس الفكرة بس من غير اني أعيش في دور الراجل وفي مسلسل تحت الوصاية حاولنا إن الست مش محتاجة تتخفى في حاجة عشان تبين قوتها
أعلنت الفنانة منى زكي تعرض الفنان رشدي الشامي لوعكة صحية، في كواليس تصوير آخر يوم بمسلسل تحت الوصاية، الذي نافست به في رمضان 2023.
وقالت منى زكي خلال حوارها مع الإعلامي محمود سعد في برنامج Sold Out: ده كان آخر يوم تصوير كنا بنصور المسلسل وأنا تاني يوم مسافرة لبنتي للي راحت الجامعة مش عايشة معايا، ووقعت اتزحلقت زحليقة بسيطة متخيلتش هيحصل كده وإيدي ورمت ووجعاني.
وأردفت منى: وشايفة أستاذ رشدي الشامي اتخبط في ضلعه وبالمناسبة هو كمان ضلعه مكسور عم ربيع من آخر يوم تصوير، شايفة الأستاذ مش بيقول حاجة ولا حتى موجوع وقررت أنا مش هقول موجوعة وهسكت أنا كمان وهكمل تصوير وعايزة أسافر لبنتي وعايزة أروح، وسافرت وأنا إيدي مكسورة وقعدت بيها حبة حلوين.
