الفنانة إنجي المقدم
حلت الفنانة إنجي المقدم ضيفة على أحد البرامج التلفزيونية، وتحدثت خلال اللقاء عن تفاصيل حياتها الشخصية، بجانب الحديث عن مشوارها الفني.
ونستعرض لكم أبرز تصريحات إنجي المقدم التلفزيونية
– مشوفتش أي جرأة في مشهد منى زكي في فيلم أصحاب ولا أعز، والفكرة الناس كانت مستغرباها.
– فكرة أصحاب ولا أعز خضت الناس وفي ناس بتحب تزيط في الزيطة وتهاجم وخلاص.
– بجري ورا الدور اللي يقدمني بشكل جديد ويكون في إضافة.
– أرفض تقديم الأدوار الجريئة والقبلات ومشاهد البكيني.
– جوزي في البداية كان رافض التمثيل لأن في الأول كنا خايفين من المجهول والوسط الفني وما يشاع عنه وبعدين كبرنا ونضجنا وعرفنا الحقائق.
– تعرضت للتحرش وأنا 16 سنة، وقولت لأهلي لأنها كانت صدمة كبيرة لينا كلنا وهما كانوا معايا وفي ضهري.
– فكرة الشغل على الأثر النفسي بعد تعرضي للتحرض مشتغلناش عليها، بسبب إن الأهل معندهمش التفكير دا.. لكن أهلي خدوا موقف من العمارة كلها وقتها.
– عندي طاقة عايزة تطلع على سبيل التجربة وهو مع الوقت اقتنع ودلوقتي بنتناقش في كل الأدوار.
– رحت لدكتور نفساني قبل كده وأنا مشوفتش فيها أي حاجة تكسف والمرض النفسي زيه زي أي تعب.
– أنا بحب أفهم نفسي وأشتغل على نفسي ولو عندي مشكلة أو عقدة أفهمها وأوجها، وأنا رحت لكذا دكتور لأني كنت محبطة وبمر بفترة صعبة.
– لو في دور جرئ كفكرة ممكن أعملها إنما ابتذال بمشاهد ملهاش لازمة بمجرد أنها تبقى ترند وتبيع ويكون ملهاش لازمة أرفضها.
– لم أرفض المشاركة في مسلسل نسل الأغراب، ولو كان اتعرض عليا كنت هشوف حسب الدور.
إنجي المقدم: أرفض أدوار القبلات والمايوهات البكيني.. وجوزي كان رافض التمثيل
قالت الفنانة إنجي المقدم، أنها ترفض تقديم مشاهد تحتوي على قبلات، كما أن زوجها كان يرفض فكرة دخولها الوسط الفني في بداية مشوارها.
وأوضحت إنجي المقدم، في تصريحات تلفزيونية: الأدوار الجريئة والقبلات أرفضها وكمان مشاهد البكيني أرفضها برضو، وبشوف مين المخرج والمشهد محطوط ليه وهيتصور ازاي ولكن في المطلق أرفض تقديم هذه الأدوار.
وأضافت إنجي أنها تحب قراءة السيناريو في هذه الحالات وتتعرف على سبب وملابسات المشهد الجريء، ثم تقرر العمل أو الرفض، مؤكدة أن زوجها كان رافض في البداية عملها الفني.
وأكدت: جوزي في البداية كان رافض التمثيل لأن في الأول كنا خايفين من المجهول والوسط الفني وما يشاع عنه وبعدين كبرنا ونضجنا وعرفنا الحقائق، وعندي طاقة عايزة تتطلع على سبيل التجربة وهو مع الوقت اقتنع ودلوقتي بنتناقش في كل الأدوار.
إنجي المقدم: مشهد منى زكي في أصحاب ولا أعز مش جريء
وأكدت الفنانة إنجي المقدم، أنها لم ترى أي جراءة في المشهد الذي قدمته الفنانة منى زكى في فيلم أصحاب ولا أعز، قائلة: أنا مشوفتش أي جرأة في المشهد والفكرة الناس كانت مستغربها ولكن مفيش أي جراءة لكن الفكرة خضتنا ومنى ممثلة محترفة وموهوبة.
واستكملت إنجي المقدم، أن الجمهور لم يكن معتاد على تناول أفكار وقضايا كالتي تناولها فيلم أصحاب ولا أعز، موضحة: فكرة أصحاب ولا أعز خضت الناس وفي ناس بتحب تزيط في الزيطة وتهاجم وخلاص.
