الفنان أحمد السقا
أوضح الفنان أحمد السقا أنه كان ينام على سرير مكون من مسامير خلال أحداث مسلسل حرب مع الفنان محمد فراج، الذي عُرض في الثلث الأخير من موسم رمضان.
وقال أحمد السقا خلال حواره مع الإعلامية فاطمة مصطفى في برنامج الراديو بيضحك: ده كان بجد وكانت مسامير بس كانت مسامير مبرودة ليها طريقة قعدة معينة وحد بيمسكني لحد ما أنام على ضهري ومقدرش أقوم لوحدي لازم حد يقومني عشان مضغطش نفسي عليها واتخرم.
وأضاف: كنت مرعوب من عرض المسلسل في التلت الأخير من رمضان وبقيت بدعي ربنا يارب متخذلنيش، وبفضل الله وأحمد نادر جلال قدرنا نطلع المسلسل بالشكل اللي يليق، وأنا بسميه حفيد العظماء مكنش بينام بنخلص تصوير ويقعد على المونتاج وتصحيح الألوان.
وعن تعاون أحمد السقا مع الفنان محمود البزاوي في مسلسل حرب، أردف: البزاوي كان بيتروش مني، إذا تواجدنا في أي مكان يفضل يبص يمين وشمال ويقول يا جماعة انتو مطلعني إرهابي قدام السقا طب حد يمسكه لحد ما أخلص المشهد شغال بفوبيا السقا، إنسان جميل وراقي وناضج لدرجة أبعد ما تكون.
أبطال مسلسل حرب
يشارك في مسلسل حرب العديد من الفنانين، منهم: أحمد السقا، محمد فراج، سارة الشامي، أحمد سعيد عبد الغني، إنجي المقدم، إيناس كامل، إبراهيم كمال، عماد الطيب، أحمد أبو زيد، مصطفى منصور، محمد يوسف، أحمد أبو زيد.
السقا: مكنوش مصدقين إني وافقت على مسلسل حرب
أما عن شعوره بالخوف من تجسيده لشخصية شرير عكس الانطباع الذهني له لدى الجمهور، قال أحمد السقا: لا خالص، بعد ما قعدنا ووافقت وطلبت التأجيل الكام يوم دول وكلمت فراج ولعب دور جميل وساندني وبريقه منعكس عليّا، كل الناس كانت مستغربة إني وافقت، وكان هدفي إني اتكره؛ لأني لو اتحبيت وأنا إرهابي تبقى مصيبة سودا، الحمد لله ربنا وفقني في تحضير الشخصية مع فريق العمل ووصلنا لشكل خارجي كويس.
السقا: اشتغلت من طبقة صوت تعباني وباخدلها أدوية
واستطرد أحمد السقا: اشتغلت من طبقة صوت لحد دلوقتي تعباني.. الطبقة عريضة.. لحد دلوقتي باخد أدوية، وقولت مش هعمله بالشكل التقليدي وأجري على الله، والحمد لله لاقى استحسان الناس.
