كتبت: ياسمين ياسر
أثارت النجمة”ياسمين صبري” الجدل بتصريحاتها في يرنامج “صاحبة السعادة” وقد تصدرت التريند بمواقع التواصل الاجتماعي، وقد تحدثت بالبرنامج عن العديد من جوانب شخصيتها، وطموحاتها، وكما قامت بالرد على منتقدي أعمالها الفنية
وقالت النجمة خلال لقائها “مش حاسة إنى عندى ندم ولا آسفة على حاجة ووخده الجانب الإيجابى فى كل حاجة، والفترة اللى جاية نفسى أكون أحسن وساعات أسأل نفسى إيه رسالتى فى الحياة ولغاية النهارده بدور على الموضوع ده وبحس أنه طريق ملوش نهاية”
كما تحدثت عن طموحاتها الفترة القادمة وقالت”نفسى أعمل براند ميك أب بتاعى واحط في كل مشاكلى لأن أنا بنت بتعامل مع الكاميرا وعارفة يعنى إيه كاميرا أو إضاءة ويعنى إيه بشرة بتتعب، واحنا بنروح معمل لأن المكياج بيتعمل في معامل مش مصانع، وبقوله ان عاوزة البراند بتاعى من النبات ويكون مرطب للشفايف مثلا، او عاوزة حاجة اورجانيك ميكونش فيه كيماويات”
وصرحت “ياسمين” عندما سُئلت عن طبيعة علاقاتها بالآخرين” أنا شخصية منغلقة بس مش بشعر بالوحدة ومش بتكلم على أمورى الشخصية، والسعادة بتتحقق من حبيب وعيلة، والحب جميل أوى، الحب الصح من الشخص الصح”
وأضافت ياسمين عن اكثر الأوقات اكتئابًا مرت بها” أكتر وقت حسيت بالاكتئاب لما جبت ملحق فى مادة الحساب فى الثانوية العامة، ولكن خبيت على أهلي وقولتلهم إني نجحت، ووقتها بقى عرفت أن عندى اكتئاب لما كنت بصحى وأقول أنا ليه صحيت على الواقع ده اللى هو أنى أجيب ملحق يعنى ”
وعن علاقتها بالشائعات أوضحت: “من وقت ما اشتهرت واتعلمت من بدرى أن الناس مهتمة بأمورك وهتفضل دايما مادة للشائعات، وأنا متقبلة ده من بدرى جدا، ومتعودة عليه والتعامل معاه إنى معملش أى رد فعل وكل شيء هينتهى زى ما التريند بيكون له نهاية، واللى يطول الموضوع ده هو الرد”
وتابعت ياسمين صبري عن نشاطاتها هذة الفترة “أنا بدرس كورسات في علم النفس دلوقتى، وعملت كده لما لقيت نفسى قرأت كتب في التنمية ولقيت نفسى مهتمة أوى ومش بزهق، ودايما بكون عاوزة أعرف فقررت أدرس بقى، وعملت كده من وقت الكورونا”.
