ليلى زاهر عن أعلى نسبة مشاهدة: رسالتنا مش إنهم يخرجوا اللي زي شيماء من السجن.. اللي غلط لازم يتعاقب

الفنانة ليلى أحمد زاهر

قالت الفنانة ليلى أحمد زاهر، إن بعض المواد المنشورة على تطبيق «تيك توك» بحاجة إلى رقابة، مشيرة إلى أن مسلسل «أعلى نسبة مشاهدة» يسلط الضوء على سلبيات تلك المواقع.

وأضافت خلال لقاء لبرنامج «تفاعلكم»، المذاع عبر فضائية «العربية»، صباح الخميس: «مش رسالتنا خالص في المسلسل إن لو حد عمل كده وفي السجن يخرجوه وحرام وكده، لا خالص، اللي غلط معروف إنه بيتعاقب عشان ميرجعش يغلط تاني».

وأشارت إلى أن المسلسل انتهى بحبس «شيماء»، الشخصية التي تلعب دورها الفنانة سلمى أبو ضيف، لأنها اقترفت خطأ.

وأكملت: «في حاجات مش كويسة على تيك توك وناس غصب عنها، زي نسمة وشيماء محدش يهتم بيهم أو يقول لهم كلام حلو أوي، الأم بتضايق شيماء وتوريها الحاجات السلبية، لو الأهل ربونا إنهم بيحبونا ويدونا اهتمام مش هنروح برا».

واستطردت: «في ناس بتروح تيك توك عشان محدش مهتم بيها، فتدخل تكلم ناس متعرفهاش وتعمل حاجات غريبة، من وجهة نظري أنا ضد بعض الحاجات اللي بتحصل، لازم تكون في رقابة وخطوط حمراء».

مسلسل «أعلى نسبة مشاهدة» من بطولة: سلمى أبو ضيف، وليلى أحمد زاهر، وفرح يوسف، وجلا هشام، وانتصار، ومحمد محمود، وأحمد فهيم، وإسلام إبراهيم، وآخرين، والعمل من تأليف سمر طاهر، وإخراج ياسمين أحمد كامل.

وطرحت الفنانة ليلي أحمد زاهر، فيديو كليب «كلمة أخيرة» عبر موقع الفيديوهات يوتيوب، والأغنية من كلمات محمد حسن، وألحان وتوزيع إسلام زكى، وتقول كلماتها:

كلمات كلمة اخيرة

أنا من زمان خوفتنى

هزيتلى ثقتى وسبتنى

جيتلك عشان كان نفسى أعيش

وأنا جيا أعيش موتنى

بقى دى النهاية وده اللى بتحاسب عليه

أنا من زمان خوفتنى

ولغيت مشاعرى هزمتنى

إزاى هقول وبأى عين

شوفتك ف يوم بتحبنى

جاوب سؤالى وقولى مره كسبت إيه

حكايات وعود مين اللى قال

مش برضه كان إحنا

مين اللى علقنا ف غرام

وأذانا و جرحنا

حكايات وعود مين اللى قال

مش برضه كان إحنا

لو كان راحتنا ف الفراق ده ياريته ريحنا