فن

بسمة: ما تصدقوش اللي بتشوفوه على السوشيال ميديا.. إحنا بنصحى قبلكم وبنام بعدكم وساعات شغلنا أكتر

كتبت: ياسمين ياسر

الفنانة بسمة

 

وجهت الفنانة بسمة رسالة إلى جمهورها، خلال سؤالها عن كواليس تصوير فيلم أولاد حريم كريم التي كانت مليئة بالضحك واللحظات الممتعة وانتشارها بشكل كبير على مواقع التواصل الاجتماعي.

 

وقالت بسمة في تصريحات إذاعية: يا جماعة ما تصدقوش إن إحنا لما بننزل نصور بنبقى طول الوقت بنهزر ومبسوطين وفلافي كده، لأن إحنا بجد بنتعب جدًا، إحنا بنصحى قبلكم وبنام بعدكوا، وعدد ساعات الشغل بتاعنا أكتر من عدد ساعات شغلكم، وبنكون في ضغط نفسي علشان نكون جوه الشخصية، وبيكون عندنا مشاكل قد الدنيا في البيت ومُطالبين بمشاهد فرحانين فيها، أو عندنا فرح قد الدنيا ومُطالبين بمشهد نكون فيه مش سعداء، فإحنا شغلانتنا مش اللي أنتم شايفينه على السوشيال ميديا من برا، ومسيرنا في يوم ندخل في كواليس الأفلام ونشوف التعب اللي بجد.

 

حجم المجهود الحقيقي مش بيظهر للناس

وأضافت بسمة: إحنا بيكون فيه لحظات بنضحك وبنهزر فيها ودي اللحظات اللي بتطلع للناس لكن حجم المجهود الحقيقي مش بيظهر للناس، إحنا حوالي 200 بني آدم بنشتغل بأدينا وسنانا علشان نطلع لكم العمل اللي بتتفرجوا عليه.

 

بسمة تكشف سر تحمسها لتقديم الجزء الثاني من حريم كريم 

وكشفت بسمة أسباب تحمسها لتقديم شخصية دينا مندور التي قدمتها قبل 18 عاما في الجزء الأول من الفيلم، قائلة: الشخصية كانت مليانة حياة ومُقبلة على الدنيا جدًا، وكان وشها حلو عليا بشكل شخصي.

 

وأشارت بسمة إلى أنها في كثير من الأحيان يخطر على بال الممثل بعد انتهائه من شخصية يُحبها، تساؤلات عن ماذا سيحدث مع هذه الشخصية في المستقبل، وأن الجزء الثاني من حريم كريم كان الفرصة الأولى للإجابة على تلك الأسئلة، لافتة إلى أنها التقت بالمخرج علي إدريس والكاتبة زينب عزيز، وتأكدت أن لهذا الجزء خط درامي مستقل ومختلف عن كونه مجرد استكمالا لنجاح الجزء الأول، حتى أن الجمهور الذي لم يرى الجزء الأول من العمل إذا شاهد الجزء الثاني لن يشعر بأن شيئًا قد فاته.

وأشارت بسمة خلال مداخلة هاتفية ببرنامج “كلاكيت” مع لينة الطهطاوي على “نجوم إف إم”، إلى أنها خلال تصوير فيلم “أولاد حريم كريم” كانت تصور مسلسل “بطن الحوت” مع الفنانين باسم سمرة ومحمد فراج.

 

وأضافت أن مسلسل “بطن الحوت” يقوم ببطولته باسم سمرة، ومحمد فراج، وأسماء أبو اليزيد، بالإضافة إلى مجموعة كبيرة من الفنانين، حيث كان يتم التصوير قبل فترة طويلة استعدادا لعرضه في الموسم الرمضاني الماضي لكن لم يعرض.

 

وتابعت بسمة: “توقف التصوير بعض الوقت، وصورت حينها فيلم أولاد حريم كريم ثم حصلت على فترة إجازة، وخلال الفترة المقبلة استأنف تصوير بطن الحوت بالإضافة إلى عمل فني جديد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
%d مدونون معجبون بهذه: