سماح أنور عن جدل عدم تكريم ريهام عبد الغفور بمهرجان الدراما: بلاش نقف على الواحدة

الفنانة سماح أنور

كشفت الفنانة سماح أنور عن رأيها في جدل عدم تكريم الفنانة ريهام عبد الغفور في مهرجان القاهرة للدراما، والذي أقيمت دورته الثانية منذ أيام في مدينة العلمين الجديدة

سماح أنور وعدم تكريم ريهام عبد الغفور في مهرجان الدراما

وقالت سماح أنور في تصريح خاص: أي فنان في مصر مستني التكريم لأن عمل كتير وكان عظيم في وقت ما.. دي مستحقات لم حد بيحصل عليها بتفرحنا كلنا، لكن أتمنى منقفش على كل حاجة، نتفرج ونتبسط واللي عنده انتقاد للمهرجان ده يعمل مهرجان تاني.

وكان قد أثير الجدل في الأيام الماضية حول عدم تكريم الفنانة ريهام عبد الغفور في مهرجان القاهرة للدراما والذي أقيم مؤخرا في مدينة العلمين الجديدة، مشيرين إلى قائمة المسلسلات التي أطلقتها هذا العام وحققت نجاحات ساحقة خلال فترة عرضها.

تعليق ريهام عبد الغفور على التكريم بمهرجان القاهرة للدراما

وعلقت ريهام عبد الغفور على هذا الجدل، فقالت: ممتنه جداً لكل الحب والدعم والتشجيع وده عندي أهم من أي جايزة… وألف مبروك لزملائي واصدقائي اللي فازوا واتكرموا، ويارب دايماً نفضل نشتغل وننجح ونفرح كلنا.

وحرص على دعمها عدد من نجوم الفن من بينهم الفنان حمزة العيلي والذي كتب عنها: أسطورة الموسم الدرامي على مدار سنتين بأدوار غاية في الروعة والتمكن والتلون الجميلة المتألقة دائماً النجمة ريهام عبد الغفور لك كل الحب والتقدير والإحترام.

أخر أعمال سماح أنور

من ناحية أخرى، تعد أخر أعمال سماح أنور مسلسل الصندوق الذي تم عرضه في النصف الثاني من شهر رمضان الماضي، ويتكون من 15 حلقة وتدور أحداثه في عالم من الجريمة والغموض، ويُشارك في بطولته إلى جانب أحمد داش كلا من النجوم هدى المفتي، علي قاسم، سماح أنور، وعدد من ضيوف الشرف، مسلسل الصندوق من تأليف مصطفى صقر، وإخراج مروان عبد المنعم.

سماح أنور وسبب ابتعادها عن السوشيال ميديا

وقالت سماح أنور: في ناس كتير بتسأل ليه مش بطلع لايفات زي الأول، الحقيقة أنا مش هكون فاضية خالص خلال الفترة المقبلة أعمل ده أو أتواصل بشكل شخصي مش هيبقى متاح، ولكن هقدر أتواصل معاكم بالطريقة اللي متعودة عليها طوال حياتي وهي التواصل من خلال أعمالي، بعتذر لكل الناس اللي منتظرة منى لايفات شخصية، ده مش هيكون موجود أو متاح أبدأ بعد كده لكن اللي هيكون متاح أخباري وأعمالي الفنية سواء كانت على ميديا التلفزيونية أو السينمائية أو من خلال ميديا بتاعت السوشيال ميديا، اللي هتابع معاكم فيها دائما اللي بعمله وبشاركم وأتمنى يكون بيرسم بسمة على وشكم، بحاجة لطيفة لمدة دقيقة أو دقيقتين، ودى أكتر وأحسن حاجة ممكن أقدمها وأتمنى ليكم كل الخير والسعادة.