المخرج محمد سامي
تحدث المخرج محمد سامي، عن الجانب الأسري في حياته، الذي يشمل بناته الاثنين، ووالده ووالدته، وزوجته الفنانة مي عمر.
وقال محمد سامي في تصريحات تليفزيونية: بناتي الاتنين معلمني الأدب، وأكاد أكون أكتر أب شخصيته ضعيفة أمام ولاده، وحشري جدا في حياتهم عشان حابب أكون ملم بكل تفاصيلهم، بنزل أشتري معاهم اللبس وأشوف مذاكرتهم، وبنتي الكبيرة واخدة شخصيتي بالمللي، وسيلين الصغيرة شبه مي شكلا وموضوعا.
ثم تطرق محمد سامي للحديث عن والده ووالدته، وقال: أنا تحت جزمة أمي وأبويا هما حياتي، ولما بتجيلي مشكلة مش بعيط غير في حضن أمي، هي مصدر قوتي وأول حد صدق فيا، وبحكي لها كل حاجة يمنعني كبريائي إني أقولها لغيرها، ومراتي شريكة حياتي طبعا بس مفيش راجل بيحب يبين ضعفه وانكساره قدامها.
وتابع سامي مشيرا إلى قوة العلاقة التي تجمعه بأهله، قائلا: إحنا بيوتنا ورا بعض وحياتنا كل يوم مع بعض، إحنا مش عيلة بتسأل على بعض في الأعياد بس، إحنا كل يوم مع بعض وبنحكي كل حاجة لبعض، ومي مراتي وروحها في أمي وهي بتدافع عنها لما يحصل مشكلة بينا.
محمد سامي يتحدث عن زوجته مي عمر
كما كشف عن الأشياء التي جذبته في زوجته مي، وقال: أول حاجة لفت نظري في مي هو جمالها، وعندها حياء، ومعندهاش طباع معينة وحشة في ستات، زي إنها مش حشرية ومش بتغير على كل حاجة، بتغير طبعا بس من غير ما تهزق نفسها وتزعل كل شوية، وبتعزز قيمة زعلها وكلمتها.
وأضاف: هي عارفة إن كل الفنانات اللي بصور معاهم هما إخواتي وصحابي، وآخر عملين بينا هي اشتغلتهم بعد ما اتحايلت عليها، عشان بتشوف إن إيه لازمتها نشتغل مع بعض مدام الناس بتتكلم علينا.
وقال محمد سامي خلال تصريحات تليفزيونية: هالة صدقي أستاذتي الموهوبة الخلوقة اللي كانت لمانا كلنا في حضنها، وهي العمود الفقري للمسلسل، كان معانا خبرة وأخلاق وذوق، وبشكرها إنها يوم ما قولتلها تعمل دور أم لناس كبيرة سنا وافقت وقالت أنا ممثلة.
وتابع: هي ست جميلة وخفيفة الظل ويا بختي إن يتحط في تاريخي إني اشتغلت معاها، ومن حق الممثلين أصحاب القدرات دي إنهم يتعاملوا مع ناس تقدر تطلع القدرات دي منهم.
وأضاف: أنصاف الفنانين اللي بييجي من وراهم مشاكل، بيبقى عايز طول الوقت يقول أنا نجم، فمش بيفكر في الشغل نفسه، ونجم زي محمد رمضان وأحمد السقا دول ناس تعلم جيدا إنهم نجوم وناجحين، فبيركزوا في شغلهم.
واستكمل : والنجوم دول أول ناس بتيجي في ميعادها، وأكتر ناس مذاكرين وعندهم حرص على نجاح المشروع، زي الفنانين عادل إمام، والراحل محمود عبد العزيز، وأحمد عز، فالمشاكل بتيجي من الناس اللي بتبقى فاكرة إنهم نجوم وبيحاول يثبت ده برغم إن دوره مش هيأثر على بيع العمل بدولار واحد حتى.
أشاد المخرج محمد سامى بالفنان أحمد فهيم الذى جسد دور سيد شقيق الفنان محمد رمضان في مسلسل جعفر العمدة وقال فى مداخلة ببرنامج ” رمضان كريم ” الذى يقدمه الكابتن خالد الغندور ودينا سليم على رديو أون سبورت إف إم : أنا مقتنع بأحمد فهيم منذ بداياته حيث شارك معى في بدور صغير في مسلسل آدم بطولة تامر حسنى ثم دور آخر في مسلسل الأسطورة ثم أسندت اليه دور كبير في مسلسل ” ولد الغلابة ” لأنى مقتنع به وفى مسلسل البرنس أسندت إليه دور بطولة وفى جعفر العمدة اسندت إليه دور سيد وأرى انه نقلة فنية له ونحن محظوظين به في هذا العمل وأن له مستقبل عظيم وفى وقت من الأوقات سيقدم أعمال من بطولته
ولقد شكك المخرج محمد سامى جمهور مسلسل جعفر العمدة فى نعيم والذي يلعب دوره عصام السقا، حيث ألمح لخيانته، معلقا: “يا خوفي من فرحتك دي ونظرة الحنين والحب”، وهو ما جعل الجمهور يفكر في أن الحلقات الجديدة من المسلسل قد تحمل مفاجآت.
وجاء تعليق المخرج محمد سامي على حساب عصام السقا على فيس بوك، على بوست للفنان عصام السقا عبّر من خلاله عن فرحته بالعثور على سيف ابن جعفر العمدة، حيث كتب على حسابه بموقع فيس بوك: “أخيرا لقينا الواد كنا هنكمل للسنة الجاية”.
