تشجيعنا مش هيفيد بلادنا.. شريف رمزي يرد على منتقدي تصريحاته حول شراء المنتجات المصرية

الفنان شريف رمزي

رد الفنان شريف رمزي على الانتقادات التي وجهت له بعد منشور اعترض فيه على فكرة تشجيع المنتجات المصرية والكثرة من شرائها.

وقال شريف رمزي في تصريحات خاصة: اللي انتقدوا مفهموش البوست.. قانون البيع والشراء مفيش مستهلك بيشتري منتجات عشان يشجع شركاتها، إحنا بنشتري المنتجات على حسب جودتها.. لما بنشتري المنتجات الأجنبية إحنا مش بنشجع البلاد الأجنبية إحنا بنشتري المنتجات دي عشان إحنا محتاجنيها.

وأضاف شريف رمزي: إحنا بنشتري المنتج عشان جيد فـ إحنا مهما شجعنا ده مش هيفيد بلادنا مش ده الموضوع، ونشجع بلادنا ونوقف جنب مصانعنا زي القطن المصري عشان منتج جيد، وفي العالم كله أي منتج جيد الناس هتحبه وتشتريه الناس بتشتري منتجاتها طبقا لجودتها.

شريف رمزي: المقاطعة أقل واجب في إيدينا.. ولازم نستغل الفرصة ونطور منتجاتنا

وعن رأيه في المقاطعة، أوضح شريف رمزي: المقاطعة أقل واجب وأقل حاجة في إيدينا إننا نساعد القضية الفلسطينية، ولكن مش عاطل في باطل، يعني في منتج بلد المنشأ مختلفة بس شغالين في ناس مصريين طب ما أنت هتقطع رزق الناس المصريين وهضر بلدك أكتر في ناس بتكون واخده التوكيل خلاص.

واستكمل شريف حديثه: أنا بخاطب الشركات المصرية دي فرصة ذهبية ليكم ما دام الناس جتلكم لغاية عندكم لازم تطوروا ونستغل الفرصة من النار، وزي ما حصل في قصة كولونيا الشبروايشي 555 وقت الكورونا، والراجل بعد ما كان بيقفل لقى نفسه بينجح ورجع.. وياريت نستغل المنتج المصري أن الناس كلها هتجيلك واكسبهم واضمنهم وخليهم زباينك الدائمين، مفيش حد بيشتري منتج عشان الشركات، وكلنا بنشتري أيفون عشان نشجع أمريكا ولا عشان ده تليفون جيد؟!

الحالة الصحية لـ شقيق شريف رمزي

وفي سبق، أكد شريف رمزي أن الأسرة استسلمت للأمر، ورضيت بقضاء الله، لكنهم مازالوا يطلبون الدعاء له، حيث أن حالته الصحية تحتاج إلى معجزة، حتى يمر من أزمته، فقال شريف رمزي: إحنا استسلمنا لقدرنا وراضيين، لكن أتمنى ربنا يشفيه ويرجع لنا من تاني، هو محتاج معجزة، لأن حالته غير مستقرة، يوم تتحسن ويوم بتسوء.. ربنا معاه ويتولاه.

وفي الأيام الأخيرة، تصدر اسم شريف رمزي التريند، بعد تداول صورة له، رفقة الفنانة غادة عادل، والتي ظهر فيها الثنائي بأحد المناسبات، وظن البعض، أنهما قد ارتبطا، وذلك بعد أن انفصلت غادة عن زوجها المخرج مجدي الهواري، في السنوات الماضية، وردًا على هذه الأقاويل، نفى شريف رمزي هذه الأنباء، وأكد أن علاقته بـ غادة تقتصر على الصداقة، وكل ما ينُشر حول ارتباطهما هو أمر عار تمامًا من الصحة.