أكرم حسني: طول الوقت كان نفسي أبقى حاجة في الفن.. وكنت مشهورًا بس الناس مش عارفاني

الفنان أكرم حسني

يحل الفنان أكرم حسني غدًا الثلاثاء ضيفًا في برنامج AB TALKS الذي يقدمه الإعلامي أنس بوخش، ويتحدث أكرم عن مشواره الفني، بدءًا من تقديم البرامج للتمثيل، وعن حياته الشخصية وتجربة طلاقه.

وقال أكرم حسني خلال برومو الحلقة: طول الوقت كان نفسي ابقى حاجه في الفن، وكنت ببقى مشهور بس الناس مش عارفاني.

وأضاف أكرم حسني: لحظات صعبة أنك تمثل تبقى تمام.. والفقد مش موت بس أنت ممكن تفقد حاجات وهي عايشة.

آخر أعمال أكرم حسني

يعد فيلم العميل صفر آخر أعمال أكرم حسني، وعرض العمل خلال شهر أغسطس الماضي، وضم عدد كبير من النجوم أبرزهم: أسماء أبو اليزيد، فيدرا، بيومي فؤاد، فاطمة البنوي، محمد أوتاكا، وعدد آخر من الفنانين، والفيلم من تأليف وائل عبد الله وإخراج كريم العدل، وتدور أحداثه في إطار كوميدي حول فرد أمن يحلم أن يكون بطلًا مثل جيمس بوند، ولكن يفشل ويتعرض للعديد من المواقف الكوميدية، وتتطور الأحداث بعد ذلك.

وفي سياق متصل، أعلن أكرم حسني، طرح أغنية خطير يا أخوانا، من فيلمه الأخير العميل صفر، والتي تجمعه هو والفنان مدحت صالح عبر جميع منصات الموسيقى.

كلمات أغنية خطير يا اخوانا

وجاءت الأغنية من غناء أكرم حسني ومدحت صالح، كلمات أكرم حسني، ألحان أحمد وحيد كينج، وتقول كلماتها: خطير يا اخوانا .. خطير يا جماعة ‎له شنة و رنة .. خطير ببشاعة ‎ذكاؤه يحير .. أداء اسطورة ‎كلامه العادي .. اقوال مأثورة ‎تلاقيه لما تعوزه .. راكز و تقيل ف ركوزه .. اوعي يصيبك مهموزه .. ده مالوش عزيز ‎يا لهوي اما يزمزأ .. حاسب منه هتتهزأ .. و كرامتك دي هاتتبعزق .. لأ مش لذيذ ‎نشانه راشق .. عمره ما جلي .. تملي صورته .. غلاف مجلة.

“الجرئ .. البرئ .. اللئيم .. القديم ‎الطيوب .. الكلبوب .. الحبوب .. الوسيم ‎متلاقيش .. عالافيش .. غيره هوه .. لأ مفيش ‎ياختي شاطرة .. بطة .. قطة .. حتي .. خوف مبتخافيش ‎واد رهيب .. واد غريب .. واد يخاف .. مايختشيش ‎واد عشان تلاقيه زيه .. حلني و يا مين يعيش.. 

‎حويط يتفادي .. سهام لو طايشة ‎في ناس لو ماتت .. هاتفضل عايشة ‎خطير يا اخوانا .. خطير يا جماعة ‎له شنة و رنة .. خطير ببشاعة ‎ذكاؤه يحير .. أداء اسطورة ‎كلامه العادي .. اقوال مأثورة”.

ونشر أكرم حسني جزءا من الأغنية، عبر حسابه الرسمي بموقع إنستجرام، وعلق قائلًا: خطير يا أخوانا من فيلم العميل صفر، على جميع منصات المزيكا، كلمات أكرم حسني، ألحان وتوزيع أحمد وحيد، ميكس وماستر أمير محروس.