الفنان رامي جمال
علّق الفنان رامي جمال على فكرة امتهان بعض الملحنين الغناء، معتبرًا أنه حتى ومع زيادة المبلغ المالي مقابل الغناء مقارنة بالتلحين، إلا أنه لم يتقاض الملحن أجرًا على تلحينه إن لم يكن موهوبا أو ناجحاً.
وقال خلال لقائه ببرنامج «حبر سري»، تقديم الإعلامية أسما إبراهيم، المذاع عبر قناة «القاهرة والناس»: «من حق كل الملحنين يحاولوا وينجحوا».
وعلق رامي جمال على تصريحات الملحن عمرو مصطفى بشأن أن المبدع والمغني عبارة عن أداة: «لأ طبعا أرفض الكلام ده.. أعوذ بالله».
وتابع «رامي»: «مفيش حاجة في الدنيا متوقفة على شخص، والملحن الشاطر من غير كلمة وشاعر شاطر أداة، ومن غير موزع شاطر أداة، والمطرب الشاطر هو الفاترينه اللي من خلالها عرف وقدر يكون شاطر».
وواصل رامي جمال: «في نوع من النرجسية أنا مبحبوش، لكن لسه مين مزعلوش.. مبقاش عنده حد لسه مزعلوش.. عاب في كل زمايله، والأحسن بدل ما نعيب في بعض نكبّر بعض أحسن».
وأضاف رامي جمال: «عمرو من جواه طيب، لكن اللي بيشوفوا المشاكل ناس عادية، فليه نصدّر للناس مشاكلنا.. كلنا مراكبنا ماشية بفضل ربنا مش عشان إنت اللي بتقدف فيها».
كان قد هاجم تامر عاشور، الملحن عمرو مصطفى، فقال: لاستعانه بعمرو مش صعبه واشتغلنا مع بعض اغنيه “انطق” كل الحكايه انه معرفش يجاوب على السؤال “الصناعه انهارت ازاي وانت عمود من عمدان الصناعه ؟ السؤال اللي مش هتلاقي له إجابه مهما توّهت الناس اللي كلهم قالولك أنك مجاوبتش بمنتهى الوعي .. وأنا الحقيقه كنت مُنتظر إجابتك علشان اقولك الصناعه فيها كام عمود غيرك وكام مُطرب عمل تاريخ وعلامات من غيرك ومنهم انا وكام مُلحن وشاعر وموزع اشترك في نجاح مطربين واعلانات وتترات وكل حاجه حصلت عادي بدونك-.
واستكمل: أني احترمتك أو على حد قولك ان تامر وهو بيكلمني “كان واقف كدهو ” طبعا احترمك واقدّرك انت استاذ كبير بس قلّيت في نَظر تلميذك لما اتكلمت في التلفزيون عن ان فيه حد عموما احترمك وكأنه حدث جلل لأستاذ كبير زيك.
