المنتج جمال العدل
أكد المنتج جمال العدل، أن النجم كريم عبد العزيز هو رهان فائز طوال الوقت وهو أنضج فنان في الجيل الحالي، قائلا: “رهان كريم عبد العزيز كسبان طول الوقت وهو مهذب مع كل الناس وهو أنضج والطف واحد في كل الجيل، وأتمنى أعمل حاجة معاه وأحبه على المستوى الفني والإنساني وهو منضبط ومتواضع جدا”.
ورد جمال العدل، خلال حواره ببرنامج “حبر سري”، مع الإعلامية أسما إبراهيم، على قناة القاهرة والناس، على حقيقة عدم المشاركة مع كريم عبد العزيز في عمل فني بسبب ارتفاع أجره.
وأضاف قائلًا: “عادل إمام كان بيأخد أعلى أجر لأنه بيعرف يجيبه وبتكسب من وراه، وكل لما يبقى معاك نجم مهم بتسوقه وكل لما يبقى النجم كبير بتسهل”.
وتابع: اتصور أعلى أجر للفنانين هو كريم عبد العزيز وأعلى إيراد دراما وسينما، وعلى مستوى النسائي نيللي كريم ومنى زكى ونركن يسرا على جنب لأن هي عادل إمام بتاع الستات”.
جمال العدل وفيلم ع الزيرو
وسبق وأن تحدث المخرج جمال العدل عن فيلم ع الزيرو والإيرادات الذي حققها في السينمات المصرية والتي لم تكن مرضية كالذي حققه فيلم هارلي، مشيرا إلى أن ردود الفعل خارج مصر كانت فائقة.
وقال جمال العدل خلال لقاءه ببرنامج ET بالعربي: ردود الفعل اللي وصلتني على فيلم ع الزيرو والإيرادات من بره أجمل بكتير من مصر، ورأي الناس في الفليم عاجبني وكل الناس قالت رمضان أول مرة يظهر كده ومثل بطريقة عمره ما مثل بيها وهو المطلوب إثباته.
وتابع، احنا نزلنا فيلم ع الزيرو في الصيف ولكن الأفلام اللي خدت الجو اللي نزلت في العيد، ولكن إحنا مالحقناش ننزله في العيد ومخفناش ننزله زي ما الناس قالت، ولو كنا لحقنا كان هيكون أحسن لنا، لأن توقيت العرض له مردود، وفيلم هارلي جاب فلوس أكتر مع أنه أقل من ع الزيرو لأنه نزل في العيد.
