محمد حماقي
حرص المطرب المصري محمد حماقي على تهنئة جمهوره بمناسبة عيد الأضحى المبارك، وذلك عبر حساباته الرسمية بمواقع التواصل الاجتماعي.
تهنئة حماقي للجمهور بمناسبة عيد الأضحى
وكتب محمد حماقي: كل عام وأنتم بخير بمناسبة عيد الأضحى.. أعاده الله علينا جميعًا بالخير باليمن والبركات.
تفاصيل وفاة والد محمد حماقي
على الصعيد الآخر، كان كشف محمد حماقي تفاصيل وفاة والده: كان في يوم عندي حفلة و بطني مضايقاني وانا وبغني وخلصت غنا وخرج هو وامي من القاعة وبعدين وقف هزر معاه وطلع ملبس وقالي خد حلي بوقك ومشي، كان بالليل، وبعد ما مشي كلمني في التليفون واطمن عليا.
وتابع: و ٩ الصبح جالي تليفون انه اتوفى، ودي كانت مرحلة وحشة وكان عندي لحن قبل ما ابويا يتوفى من تامر علي وكاتب كلمتين اللي هما اول اتنين كوبليه.
وأضاف حماقي: وقعدت فترة طويلة مبنزلش من البيت وأمير طعيمة فضل يكلمني عشان يخرجني وجه في يوم تحت البيت ونزلت ركبت معاه العربية وقعد يقولي الكلام اللي الصحاب بيسندوا بعض فيه.
كواليس أغنية اللقاء الأخير
واستكمل: وقولتله عندي اغنية عايزة تكتبها، وكتب اللقاء الاخير اللي بيني وبين ابويا في الاغنية وانا استغربت هو وصل كده ازاي.
تصريحات محمد حماقي
وأردف: وفي صديق كلمني قالي ما بلاش دي ايه وقالي مش حاسس انها اغنية وفيها حاجة غريبة وحكيتله ظروفها راح قالي دي مش اغنية.
واختتم الفنان محمد حماقي حديثه قائلًا: وخلاص ولما جيت اصور الاغنية حبيت انقل الاغنية واعملها بالمقلوب وده الشعور اللي بيجي لكل الناس اللي فقدت والدها او والدتها، وحالة الأغنية دي كانت حقيقية مش مصنوعة.
وأحيا حماقي مؤخرًا حفلًا في جدة، وشهد الحفل العديد من المفاجآت، منها مشاركة الفنان شريف منير خلال الحفل، وعزفه على الدرامز في إحدى الأغاني مع حماقي.
وقال حماقي خلال المؤتمر الصحفي عن مشاركة شريف منير معه في الحفل: طلب مني شريف منير حضور الحفل عندما التقينا في مسرحية ميمو بطولة الفنان أحمد حلمي، وبالطبع رحبت بحضوره ولكن طلبت منه العزف على الدرامز، وبالفعل لبى النداء والطلب، كما أنه استمتع والجمهور أيضًا استمتع.
وعن سبب عدم غنائه باللهجة الخليجية حتى الآن، أشار حماقي إلى أنه يواجه مشكلة في إتقان اللهجات الأخرى مثل المتحدثين بها، قائلًا: أنا من مدرسة الإحساس في الغناء، فإذا فكرت في كيفية نطق الحرف جيدًا، من الممكن أن انشغل عن الإحساس، بس لو قعدت ذاكرت شوية لدرجة إني مفكرش إذا كانت الكلمة صح ولا غلط ممكن تتظبط معايا، وأتمنى أغني بكل اللهجات العربية.
