الفنانة سلوى خطاب
أكدت الفنانة سلوى خطاب، أنها لم تفكر في الإنجاب بسبب الفن ولكنها إرادة الله، مشيرة إلي أن تربية الأبناء أمر ليس سهلًا على الإطلاق وتتمنى فقط الستر والصحة في الحياة.
سلوى خطاب: الفن محرمنيش من إني أكون أم
قالت سلوى خطاب في تصريحات خاصة،الفن محرمنيش من إني أكون أم، ولو كنت عايزة أخلف كنت خلفت، وفكرة تكوين الأسرة ربنا خلقنا علشانها ولكن تربية الأولاد عملية صعبة أوي وبشوف أهلي وصحباتي تعبانين وأنا مكنتش هقدر أتحمل العذاب ده.
وتابعت سلوى خطاب: ممكن الواحد يخلف أولاد غير صالحين، مفيش حاجة مضمونة لو مش موجود خلاص، لكن لو موجود أولاد غير صالحين هيبقى عذاب أكبر والواحد مؤمن بحكمة ربنا.
استكملت سلوى خطاب: ولو اتجوزت هكون مصممة على موقفي من جانب الإنجاب، لأن موضوع السن كمان وأنا شايفة إن فيه سن مناسب للإنجاب من 25 إلى 30 سنة، أكتر من كده هيلحق يربي إمتى، مش طالبة من الدنيا دلوقتيّ غير الستر والصحة.
سلوى خطاب: ريهام عبد الغفور تستحق التكريم لأنها متمكنة
وقالت سلوى خطاب في تصريحات خاصة: ريهام عبد الغفور تستاهل كل خير أكيد في مهرجان القاهرة للدراما مش هيقدروا يوزعوا جوائز لكل الناس، ريهام عبد الغفور متزعلش إنها متكرمتش مفيش حاجة تزعل إحنا بنفرح بزميلنا اللي خدوا، مش معني إنها ما أخدتش جوائز متستحقش.. ريهام تستحق لأنها مجتهدة ومتمكنة.
أعمال سلوى خطاب
يذكر أن سلوى خطاب شاركت في العديد من الأعمال الفنية، التي حققت نجاحًا جماهيريًا كبيرًا من خلالها منها مسلسل جت سليمة ورمضان كريم الجزء الثاني، إلى جانب مشاركتها في مسلسل وعود سخية، الذي عُرض في الماراثون الرمضاني الماضي لعام 2023.
شاركت سلوى خطاب في بطولة مسلسل وعود سخية مجموعة من الفنانين، منهم: حنان مطاوع، محمد الصاوي، محمد رضوان، نبيل نور الدين، صفاء الطوخي، مروة أنور، والعمل من تأليف أحمد صبحي، وإخراج أحمد حسن.
