نهال عنبر تشارك جمهورها لقطات خلال أدائها مناسك العمرة: الواحد بيحس براحة وهو قريب من ربنا

الفنانة نهال عنبر

نشرت الفنانة نهال عنبر فيديو يتضمن لقطات خلال أدائها مناسك العمرة.

وقالت نهال عنبر في الفيديو الذي نشرته عبر صفحتها بموقع فيس بوك: هنا أحلى أيام الواحد بيقضيها وهو بيقضي مناسك العمرة، والكعبة من أجمل الحاجات بحب أقعد قدامها أقرأ قرآن وأصلي، والكعبة قدامكم واللي عاوز يدعي يدعي ليها وأنا سعيدة بالمناسك والمدينة ومكة.

تصريحات نهال عنبر خلال أداء مناسك العمرة

وأضافت: الواحد بيحس براحة نفسية وهو قريب من ربنا وبيته والبيت الحرام، وقلت أشاركم معايا وما حبتش أطلع لايف لأن ده مكان له طقوسه وقدسيته.

وأردفت نهال عنبر: قلت أسجل في وسط ما أنا أصلي علشان اللي عاوز يدعي الكعبة قدامكم يا رب يتقبل دعواتكم جميعًا ورمضان يدخل علينا بالفرح والسعادة وكل حاجة حلوة وكل سنة وأنتم طيبين.

وفي وقت سابق، تحدثت الفنانة نهال عنبر عن الحسد وقوة علاقتها بالقرآن في حياتها، وذلك في مقطع فيديو عبر حسابها بموقع فيس بوك.

وقالت نهال عنبر: أنا كفنانة لما بروح دار أيتام أو بعمل خير ممكن أتصور عشان الناس تتعلم مني لأني قدوة، لكن مينفعش أوري للناس أنا بعمل إيه طول النهار؛ لأن ممكن أتحسد وعربيتي تبوظ أو تضربني عين، وبحرص دايما أقرأ قرآن وأسمعه ولو معايا مكالمة بقفلها فورًا عشان أركز مع كلام ربنا.

كما حرصت نهال عنبر على توجيه نصائح لجمهورها، قائلة: بنصح جمهوري يتجنب الزعل، لأن الواحد لو نام زعلان ممكن يمرض، وأنا طبيبي نصحني أسمع موسيقى أو أتفرج على أفلام كوميدية قبل النوم، وطبعًا نسمع قرآن.

آخر أعمال نهال عنبر

ويعد مسلسل أعمل إيه آخر عمل شاركت فيه الفنانة نهال عنبر بالتعاون مع خالد الصاوي وصابرين.

شاركت الفنانة نهال عنبر في انتخابات مجلس إدارة نقابة المهن التمثيلية، التي بدأت اليوم، في نادي نقابة المهن التمثيلية، بحضور العديد من الفنانين، منهم: إيهاب فهمي، لقاء سويدان، أشرف زكي.

وقالت نهال عنبر خلال تصريحات خاصة : هكمل زي ما أنا في ملف الصحة، ومش بيسيب أي حد من أصغر لأكبر فنان، وأوقات بيبقى عندي حالات تحتاج لأطباء ومستشفيات معينة وبتكاليف كبيرة، وبلجأ لدكتور أشرف زكي، وهو بيعرف يجيب فلوس من الفنانين، ولو مكنش في ضهري مكنتش هعرف أساعد.

وتابعت نهال: وعايزة أقول لدكتور أشرف زكي أنا من غيرك مقدرش أشتغل، أنا من غيرك همشي، واحنا مش بنسيب حد خالص، وبنساعد حتى الفنانين غير الأعضاء، واللي بيشتكو مش بيكلمونا، يعني بدل ما تروحوا للسوشيال ميديا تعالوا قولولنا.

أما عن تدخل رواد مواقع التواصل الاجتماعي في حياة الفنانين، أضافت نهال عنبر: أنا ديمًا أقول النبش في الحياة الخاصة مبحبوش.. عن نفسي في حياتي خط أحمر.. طلاما بحترم نفسي وماشية بما يرضي الله.. حتة إن الفنان اللي بيطلع أخباره على طول مبحبهاش.. وفيه بيوت بتتخرب وأولاد بيتجرحوا.. بتعقدوا جيل.. حتى لو اللي قدامي عمل كده أنا مساعدوش في انتشار الخبر.. لإني بجرح في جيل مش شخص بس.

وعن مشاركتها في موسم دراما رمضان 2023، أشارت نهال عنبر إلى أنها تشارك في مسلسل الكتيبة 101، وتجسد خلال الأحداث دور والدة الفنان آسر ياسين.