فيلم مستر إكس
تمكن فيلم مستر إكس بطولة الفنان أحمد فهمي من تحقيق إيرادات مرتفعة، وتصدر المنافسة بين أفلام موسم عيد الأضحى الماضي بالمملكة العربية السعودية.
وحصد فيلم مستر إكس حتى الآن ما يقرب من 6 ملايين دولار بعد ثلاثة أسابيع من عرضه في السعودية، حيث بدأ عرضه يوم 20 يوليو بالسعودية وباقي الدول العربية، وعدد من البلدان حول العالم، وذلك بعد طرحه في مصر يوم 28 يونيو الماضي.
وبذلك يتخطى فيلم مستر إكس الإيردات التي حققها فيلم بيت الروبي في المملكة، حيث حقق 5 ملايين و500 ألف دولار بعد 7 أسابيع من العرض بدور السينما السعودية، بينما حقق فيلم البعبع 4 ملايين دولار فقط، وجاء في آخر القائمة فيلم تاج حيث حقق 3 مليون و500 الف دولار، ومن المتوقع أن يحقق مستر إكس أرقامًا قياسية خلال الأيام القادمة.
أحمد فهمي يتحدث عن فيلم مستر إكس
وأضاف أحمد فهمي: الحاجات اللي بشتغل عليها مش بحب أنزل اسمي عليها، في مؤلف وفي فكرة لمين، ولازم أتكلم مع المؤلف، وعايز أشكر محمد السبكي، علشان مش بيفرق معاه أي حاجة غير إن هو عايز يعمل فيلم حلو، وقولتله عايزين نعمل فيلم كوميدي صورته حلوة جدًا، ويبقى نقلة لينا كلنا على مستوى الصورة، وطول الوقت بيخاف على الصناعة، ومواقف ضيوف الشرف كلها كتبناها من غير ما نعرف مين اللي هيعملها.
وعن المنافسة في أفلام عيد الأضحى، قال أحمد فهمي: أفلام العيد كلها كانت كبيرة وأول مرة يحصل في العيد، ولو في فيلم واخد إيرادات كبيرة لازم تعرف واخد كام شاشة عرض، تامر حسني نجم كبير وعلى راسي، وكريم عبد العزيز، والفيلم لما راح الخليج بياخد نفس قاعات العرض، وتقدر تقول مين جاب أكتر ولا أقل.
أحمد فهمي: معرفش مستر إكس رقم كام في مصر
وأردف أحمد فهمي: لما بصحى بلاقي أكتر من حاجة معرفش أنا رقم كام في مصر، في السعودية بنقدر نعرف الإيرادات، وفي الآخر الشاشات اللي خدتها في مصر، ولو ادتوني شاشتين، هشتغل وأنجح، وفي آخر الصيف جمع كل حاجة وقولي أنا ترتيب كام، ولو الأخير.
وعن التعاون مع هنا الزاهد، قال فهمي: في لغة بنتكلم فيها أنا وهنا بنغير أول حرف ونحط س، وهي بتعرف تقول الإفيه بوزنه، وبتقوله زي الولاد عادي، وصوت مش لايق على الشكل، تلاقي باربي بصوت علي الشريف، والفيلم قايم عليها.
أبطال فيلم مستر إكس
فيلم مستر إكس بطولة: أحمد فهمي، هنا الزاهد، أوس أوس، بيومى فؤاد، محمد أنور، محمود حافظ، رحاب الجمل، أمير شاهين، العمل قصة أماني التونسي، وفكرة محمد سويلم وفادي أبو السعود، إخراج أحمد عبد الوهاب وتدور أحداثه حول أحمد فهمي الذي يمتلك شركة يساعد من خلالها الرجال لكي يطلقوا زوجاتهم، والمحافظة على حقوقهم.
