ياسمين عز قبل توقف برنامجها «كلام الناس» :ولو زعلتي الفرعون هتلاقيني علي الهوا تاني يوم

الإعلامية ياسمين عز

كشفت الإعلامية ياسمين عز، مقدمة برنامج برنامج «كلام الناس» الذي يعرض عبر قناة «mbc مصر»، عن توقف برنامجها وذلك خلال شهر أغسطس المقبل لفترة 30 يوما متتالين، حيث أنها الإجازة السنوية الرسمية للبرنامج.

وقالت ياسمين عز خلال برنامجها المذاع عبر قناة «mbc مصر»:«متزعليش نفسك يا مدام أنا عارفه إنك متقدريش على غيابي والإجازة مجرد 30 يوم فقط وسأعود مرة أخرى، ممكن تشاهدوا إعادة الحلقات حتى أعود خاصة حلقات فنون التعامل مع الفرعون قائلة: «لو زعلتي الفرعون هتلاقيني على الهواء ثاني يوم»

ونشرت الصفحة الخاصة ببرنامج «كلام الناس» عبر «إنستجرام» وكتبت :«كلام الناس أجازة في أغسطس زي كل سنة.. متزعليش يا مدام أنا عارفة انك مبقتيش تقدري على غيابي.. لو زعلتي الفرعون هتلاقيني على الهوا تاني يوم، يعرض الآن مجانًا على شاهد»

ياسمين عز: تامر حسني الفنان الشامل الوحيد بعد عبدالحليم حافظ

دافعت الإعلامية ياسمين عز عن الفنان والمطرب تامر حسنى، مضيفة أنه «كل ما يقدم عمل جديد يجد متربصين له»

وأوضحت ياسمين عز خلال برنامج «كلام الناس» المذاع عبر قناة «إم بى سى مصر»، أنه كلما قدم تامر حسنى عملا جديدا تبدأ اللجان الإلكترونية في مهاجمته، معقبة: «كل أعماله ناجحة وبتكسر الدنيا وفيه ناس كتير غيرانه من نجاحه».

وتابعت ياسمين عز: «تامر حسنى عدى مرحلة الحكم على موهبته، تامر وهو نايم ممكن يألف أغنية، هو الفنان الشامل الوحيد اللى ظهر بعد عبدالحليم حافظ».

تصريحات ياسمين عز 

من جانبه، كانت قالت ياسمين عز: قدمنا مزايا الزواج من الدكتور والمهندس وموظف البنك، بعدها جت لينا رسائل كتير من حبايبنا، واتقال لنا هو إحنا مالناش نفس تتكلمي عننا في حلقة ولا إيه، في الأول كنت لسه بشوف الوضع إيه، وطبعًا عندكم حق وليكم حق، وهنبدأ نتكلم عن ده، ده أنا لو ما اتكلمتش عنك هتكلم عن مين. 

وتابعت: يا سعدك يا هناك يا فرعون لو اتجوزت مهندسة لأن فخامة الاسم تكفي، ومش هتكون محتاج حاجة من الدنيا، بنت على الفرازة وزي ما الكتاب بيقول، واوعى تصدق الشائعات المغرضة اللي بتكتب أن بنات هندسة مسترجلين ومش حلوين، دول ملكات جمال من نبت شعرهن لأخمصهن، وكل خطوة بحساب وكل قرار محسوب بالمازوة وحياتك معاها هتكون بالمسطرة.

ياسمين عز ترصد مميزات الزواج من مهندسة

وأضافت: هقول لك على ميزة رهيبة في المهندسة وهي أن حواجبها الاتنين قد بعض بالظبط والبنت المهندسة بتتعرف من حواجبها لأنهم بيكونوا مظبوطين وقد بعض بالملي في شكل متناسق انبهاري ويسر الناظرين.

واستطردت: لما ترتبط بمهندسة هدومك هتكون منظمة جدًا، والمشكلة بتاعة فين فردة الشراب مش موجودة عند الست المهندسة الفردتين مع بعض أيا كان لونهم إيه، والمفاجأة إن البنت اللي بتدرس هندسة حرفية بلاي ستيشن، لأن حياتها كلها كباري وتشميس وتكعيب وعرض وطول ومش بعيد تشيلك اسكور.

واستكملت: من أهم مميزات المهندسة إنها لما تيجي تعمل لك أكل مش هتلاقي صباع في ورق العنب مش قد التاني أو مش مظبوط وحلة المحشي مرصوصة رصة هندسية متكالمة الأضلاع والأبعاد، وطول ما أنت بتاكل هتقول لها الله ينور على شغل الفنادق والهندسة، يعني فول أوبشن.

وتابعت: الست المهندسة تعرف تتعامل مع أي راجل أو فرعون مهما كانت صفاته وحياته زوجة ناجحة بكل المنحنيات لأنها عرفت تتعامل مع السباك والنجار والمنجد فمعقول مش هتعرف تتعامل معاك أنت يا أبو كف رقيق وصغير.

وأكدت: إياك ثم إياك تنادي المهندسة حاف لأنها ما درستش وطلع عنيها علشان تقول اسمها حاف، لازم قبل اسمها تحط ميم شرطة أو تقول لها مهندسة فلانة.

وواصلت: المدرسة تتجوزها وأنت في بطنك بطيخة صيفي ومعاك شهادة ضمان أن حياتك هتبقى سعادة وبهجة وفرح، لأن الأم مدرسة فما بالك لما تكون مدرسة أهي عظمة الجملة دي تكفي وتخليك منشكح، والمدرسة بالها طويل أوي واحدة قاعدة في فصل فيه 40 طالب بتقدر تتعامل مع كل طالب فيهم ما بالك أنت لوحدك يعني درس خصوصي في البيت زهتصحح غلطات حياتك وهتمسحها بأستيكة ومش هتفكرك بماضيك