رضوى الشربيني: راجل بعتلي يارب تموتي ويجيلك السرطان.. ومعنديش الجراءة أعمل زي أسما شريف منير

الإعلامية رضوى الشربيني

كشفت الإعلامية رضوى الشربيني، تفاصيل رسالة من أحد متابعيها يتمنى لها الموت، متحدثة عن أزمة أحمد سعد وطليقته علياء بسيوني، وأزمة حلاقة أسما شريف منير شعرها قبل مهرجان القاهرة للدراما.

وقالت رضوى الشربيني في تصريحات لـ برنامج ET بالعربي، إنها تلقت رسالة من أحد متابعيها يتمنى لها الموت، موضحة: في راجل دخل قالي ليه السرطان مبيجلكيش أنتي واللي زيك، أو أنتي وأشكالك وتموتي، بس أنا رديت عليه، ولكن حاجة غريبة جدًا أن حد يتمنالي الموت حتى لو بيكرهني.

كما علقت رضوى الشربيني، على أزمة طلاق المطرب أحمد سعد ومصممة الأزياء علياء بسيوني، مؤكدًا أنها تتمنى لهم الخير، مضيفة: أنا بدعم كل الستات وهي لو صاحبتي هدعمها، وأنا مهجمتش أحمد سعد، أحمد صديقي وعلاقتي بيه كويسة جدًا جدًا وأنا كنت بتكلم على الناس اللي بتنتقد علياء، وأنا متأكدة أن الخير جايلهم لأن أحمد وعلياء طيبين.

رضوى الشربيني: معنديش الجراءة أعمل زي أسما شريف منير

وبشأن فيديو أسما شريف منير، والذي نشرته عبر حسابها الشخصي على موقع تبادل الصور والفيديوهات انستجرام وهي تحلق شعرها قبل بدء فعاليات مهرجان القاهرة للدراما في دورته الثانية، قالت رضوى الشربيني: أسما شريف منير حبيبتي وأنا بحبها وهي عارفه أنها قريبة من قلبي، وأنا قولت أنها معملتش حاجة غلط، وطالما مبتعملش حاجة تضر حد يبقى محدش له دعوة، وقولت للفنان شريف منير برافوا عليك لأن كل أب لازم يبقى داعم لابنته، ومعنديش الجرءاه أعمل زيها.

رضوى الشربيني في أنا والقناع

وعن تداول فيديوهاتها التي دائما ما تكون مناصرة للسيدات، قالت رضوى الشربيني: “معرفش مين صدر إن رضوى الشربيني بتقول للست اضربي الراجل بالنار، أنا دايما بقول للست حبي جوزك وشيلي في عينك ومن 7 سنين ليا تصريحات بقول فيها اتزيني لجوزك ولو جاي من الشغل تعبان وطي صوتك واتكلمي معاه براحة ولو لزم ماية بملح وقادرة تعملي ده اعملي”.

وتطرق بحديثها عن تحريف بعض تصريحاتها والذي كان من بينهم تصريح “الست مش ملزمة تبات في بيت جوزها”، فأوضحت رضوى الشربيني حقيقته، قائلة: “أنا كنت مستضيفة داعية وبتريق على وادة بتقول الست مش ملزمة تبات في بيت جوزها والسوشيال ميديا قصوه، هو فيه واحدة محترمة بتشتغل وسط محترمين هتقول كدة.. إمال تبات فين؟ دا أنا كدة مش معقدة أنا فاسقة”.

وعلقت على سجود زوجة حسن شاكوش له في حفل الزفاف، معربة عن استيائها من ذلك الأمر، فقالت: “حركة أوفر جدًا بصراحة واللي بيسجدوا هما الرجالة وبتكون في ماتشات الكورة.. احنا أخرنا نشوف العرايس تبوس ايد أو كتف جوزها أو تحضنه حتى، لكن أنها تسجدله !! مشوفتهاش قبل كده”.