جيهان الشماشرجي: الجمهور تأثر بذبحي في سفاح الجيزة.. قالوا لأحمد فهمي إزاي تقتل بنتنا؟!

الفنانة جيهان الشماشرجي

أعربت الفنانة جيهان الشماشرجي عن سعادتها الكبرى بردود الأفعال على التي تلقتها، على دورها في مسلسل سفاح الجيزة، الذي عرض في الأيام الماضية، عبر إحدى المنصات الإلكترونية.

وتحدثت جيهان الشماشرجي عن نجاحها في مسلسل سفاح الجيزة، مع الفنان أحمد فهمي، إذ قالت خلال تصريح خاص: مبسوطة بنجاح المسلسل، رغم أن ني أخدت وقت كبير أوي في التصور والإعداد لمشهد الذبح، منها حوالي 3 ساعات عشان نركب الرقبة، والتصوير نفسه أخد وقت كبير، تعبت في الدور جدًا، لكن الحمد لله سعيدة بردود فعل الجمهور عليه.

كما تحدثت جيهان الشماشرجي، عن تعاونها مع أحمد فهمي والكواليس بينهما في العمل، إذ قالت: أحمد فهمي موهوب وأتمنى له التوفيق في كل حاجة جاية، الكواليس كانت معاه ممتعة.

وعن استعدادها للمشاركة في سفاح الجيزة، قالت: القصة حقيقة ومكتوبة حلو، وكان نفسي أشتغل مع هادي الباجوري والفريق كله، شُفت فيديوهات من القصة الحقيقة.

ومازحت جيهان الشماشرجي جمهورها، خلال لقاء خاص، بعد تفاعل الجمهور بشكل كبير مع دورها في العمل، فقالت: أنا لما اتقتلت الناس كانت بتقول بنتنا ماتت، وبقولهم متزعلوش إن شاء الله هيكون في أعمال تانية هعيش فيها.

وتستعد جيهان الشماشرجي للمشاركة في الموسم الرمضاني المقبل 2023، في الجزء الثاني لمسلسل كامل العدد، هذا بجانب مشاركتها في أنف وثلاث عيون.

جيهان الشماشرجي: بحب اصنع حاجات بإيدي وبدرس ده 

قالت جيهان الشماشرجي عن حياها قبل دخول التمثيل، قائلة: كان نفسي اخش فنون جميلة ومجموعي مجاش، ودرست اداب انجليزي ومكنتش بحضر، وبدأت اكتشف ايه الحاجات اللي كنت بحب اصنعها بإيدي، وبعدين جربت المعادن وبدأت اعمل.

وتابعت: بقالي 10 سنين شغالة، وبدرس في مؤسسة بناتي للبنات اللي عندها مشكلة في البيت، أو معرضة للخطر إنها تكون في بيتها وبتروح المدرسة وترجع بعدين تتعلم حاجات كتير زي الرقص وصنع المجوهرات وغيرها.

جيهان الشماشرجي في عالم الفن 

وعن دخولها لعالم الفن، قالت: دخلت الفن بالصدفة وكنت مسافرة برلين عشان بحبها وعايزة ابدأ فيها حياة جديدة، جالي أول حاجة في مسلسل لعبة النسيان، المشهد كان بشع، كنت مخضوضة وفجأة لاقيت دكتور بيقيس درجة حرارتي وقال إني اشتباه في كورونا وقعدوا يبعدونا عن بعض.

وأضافت: وعملت مشهد وحش جدًا، وسبحان الله بعد كده جالي دور تاني كان أوديشن وقالولي شوفناكي في لعبة النسيان، كان حكايات بنات الجزء الخامس، وبعد كده عملت مسلسل نمرة 2 مع أسر ياسين وأروى جودة.

جيهان الشماشرجي في رمضان 2022

وعن أعمالها في الموسم الرمضاني 2022 قالت: رمضان ده اشتغلت في سوتس بالعربي في دور الحبيبة وكان أحلى مشهد لما كنا بنغني مع بعض أغنية حميد الشاعري “خدني بين إيديك” وعملت في أحلام سعيدة دور حربوقة ومي كساب كانت بتبعتلي اسكرينات من ناس بتقولها ازاي مجبتيهاش من شعرها.