تصريحات مارسيل كولر المدير الفني للنادي الأهلي
خلال المؤتمر الصحفي
كتبت /إسراء ناصر
مارسيل كولر
محمد عبدالله لعب ماتش ممتاز قصاد الاسماعيلي، ولو احنا خرجناه النهاردة بعد تالقه ازاي هيكتسب خبرة وحساسية المباريات الكبيرة؟ مهم جدا في الحالات دي لو اللاعب صغير لكن الجودة موجودة اننا نديله الفرصة يظهر الجودة بتاعته في ماتشات زي دي، ومش هو الوحيد اللي ممكن نقول انه مخرجش افضل ما عنده النهاردة وفيه لاعيبة تانية ممكن يكون عندها خبرة ومقدموش افضل اداء
دي مباراة قمة ومش الوضع الطبيعي انها تخلص 5 أو 6 أهداف، لو الصحفيين معاهم روشتة نمشي عليها تخلينا نكسب سكور كل ماتش يتفضلوا يقولوها، مش كل الماتشات هتخلص بنفس نتيجة ماتش الاسماعيلي.
علي معلول عنده اصابة للاسف وعشان كده مكانش معانا النهاردة.
النتيجة طبيعية وعادلة بين تاني وتالت الدوري
احنا مبيدخلش فينا اهداف كتير ، والخصم كان واقف ومقفل خطوطه ، وهدف الزمالك جيه بغلطة دفاعية ، وكنت بقول للاعيبة لما نكون كسبانين لازم كل لاعب يادي واجباته الدفاعية ، كان هدف ملوش لزمة انه يدخل فينا بالشكل دا
