الفنان مصطفى كامل
أعرب الفنان مصطفى كامل، نقيب المهن الموسيقية، عن استيائه الشديد من تصريحات عمرو مصطفى التي قال فيها إنه صنع عمرو دياب، مؤكدًا أن الأخير يعتبر مؤسسة غنائية، وصنف نقيب الموسيقيين نفسه بـ رقم 1 في صناعة الغناء.
مصطفى كامل: أنا نمبر 1 في صناعة الغنوة
واستنكر مصطفى كامل تصريح عمرو مصطفى بشأن صناعته عمرو دياب، قائلا: عمرو مصطفى قال أنه عمل عمرو دياب، احنا هنهزر؟ دا عمرو دياب مؤسسة، وعمرو مصطفى أخويا الصغير وحبيبي بس مينفعش نقول أنه عمل عمرو دياب.
مصطفى كامل يوضح سبب خلافه مع عمرو مصطفى
وكشف مصطفى كامل، نقيب المهن الموسيقية، حقيقة الخلاف مع الملحن عمرو مصطفى، مؤكدًا أن الخلاف بسبب فكرة الغناء بالذكاء الاصطناعي، معلقًا: مينفعش نجيب مكن يقلد أم كلثوم أو عبد الحليم، يبقى زي ما الرئيس قال نموت أحسن، ولما هاجمت عمرو مصطفى بشأن الغناء بالذكاء الاصطناعي عشان بس مجرد الفكر في التجربة، والتجربة منجحتش.
وأضاف مصطفى كامل: لم أهاجم عمرو مصطفى من أجل مصلحتي، والمنتج محسن جابر لسه له علاقة بخلافي السابق مع عمرو مصطفى، معلقًا: أنا دخلت واسطة بين عمرو مصطفى وبين محسن جابر عشان أحل الموضوع.
وأضاف أنه لا يمكن لأحد تحصيل أي مبالغ مادية من مطربي المهرجانات دون إيصال من النقابة، قائلا: «شعبة الأداء الصوتي لهم مني كل الحماية، ولن أسمح لأحد بأذى أي شخص في النقابة تحت قيادتي، سواء بالشكل أو بالكلام أو بالتلميح، طالما أنا موجود، لما أغادر الكرسي ابقوا نالوا من كل الدنيا».
وعن علاقته بالفنان محمد فؤاد، قال مصطفى كامل: ده حبيبي وعشرة عمر ومفيش بيني سن والكلام ده احنا بنقابل بعض بيقولي يا ولا وبقوله ياض عادي، وإنه مكتبش اسمي على أغنية ليه من كتابتي زعلني شوية ولكن إحنا أسرة بنزعل وبعدها بنرجع نتصالح تاني وأنا نسيت الموضوع ده من زمان، وهو قالي أن نسيت معلش حقك عليا.
وكان قد تحدث مصطفى كامل في الجزء الأول من حلقته في برنامج العرافة عن تفاصيل أزمة الموسيقار حلمي بكر، حيث قال: ابن حلمي بكر بعتلي انه عايز يحضر دفن والده فقولتله اعملي رسالة صوتيه بده وصورة ليكي وهو بعتلي صورة وهو بيبتسم ووقتها قولتله لا لازم تكون صورتك حزينة ووقتها بعتنا لعدد من وسائل الإعلام عشان نوصل صوته ووقتها كلمنا الأجهزة المعنية وشقيقه كان عايز يدفنه هما كانوا 5 أطراف كل حد بيقولي حاجة ووقتها عرفنا أنا ونادية مصطفى إن فيه حاجة غلط
