الفنان أحمد الفيشاوي
قال الفنان أحمد الفيشاوي: “المنتجة ناهد فريد شوقي ماتت زعلانة مني، وأنا كمان زعلان منها، بس هنعمل ايه؟ ربنا يرحمها ويسامحها، ومندمتش انها زعلت مني لإن هي اللي مزعلاني، واذكروا محاسن موتاكم والحي ابقى من الميت”.
وأضاف خلال لقائه ببرنامج “ع المسرح” المذاع علي قناة “الحياة”: “أنا لما بحب حاجة بهرب منها لإني لو حسيت انها هتتملك مني خاصة لو كانت مؤذية وانا مش بتاع نفسي انا بتاع الناس، والنجم الكبير الراحل فاروق الفيشاوي كان بيقولي انت مش بتاع نفسك انت ملك الناس ولازم تقدر وتراعي ده، ومش عايز السينما تتملكني لإني عايز ابقى مخرج واعمل افلام حلوة ولو عندي 80 سنة اقدر اخرج لإني مع العمر ده لو بقيت ممثل محدش ممكن يتصل بيا”.
وأكد أحمد الفيشاوي: “طول الوقت بهرب من الشرب والمخدرات، واهرب عنه بأميال، وماشي علي كده بقالي 7 سنين وقبل كده مكنتش مهتم ومش واخد بالي ومش مستوعب بس من 7 سنين استوعبت اني خلاص باكبر وبقى عمري 43 سنة ومش باصغر وبقيت باكبر ولازم اهتم بنفسي اكتر وأركز في شغلي اكتر وسنة عن سنة الأمور بتتحسن معايا”.
ولفت:”فاروق الفيشاوي راجل زي القمر واحلى مني بكتير، والفطرة واخد من ابويا حاجات لإننا كنا بنقعد مع بعض ونسهر مع بعض وهو كان صديقي مش بس ابويا، ولآخر الخط كنا بنختلف سياسيا، هو كان ناصري جدا وانا ساداتي جدا وانتخبت السيسي”.
اقرأ أيضا:-
أحمد السبكي: ياسمين صبري ما تشلش نص فيلم ورفضت تجديد عقدي مع محمد رمضان
أحمد الفيشاوي: مقتنع بالتاتو وعمري ما ندمت عليه وبتابع مع دكتور نفسي من سنة 97
